მიტროპოლიტი საბა: „პატრიარქობა არ არის ადმინისტრაციული თანამდებობა — ეს არის ტვირთი და ჯვარი“

ხონისა და სამტრედიის მიტროპოლიტი საბა. ფოტო: ეპარქიის გვერდი

სამტრედიისა და ხონის მიტროპოლიტმა საბამ (გიგიბერია) საკვირაო ქადაგებისას პატრიარქის არჩევის საკითხზე ისაუბრა და აღნიშნა, რომ ეს პროცესი ადამიანური შეფასებებითა და პოლიტიკურ-ემოციური კრიტერიუმებით არ განისაზღვრება.

მისი თქმით, პატრიარქის გამორჩევა არ ხდება იმ ნიშნებით, თუ ვინ როგორ ცხოვრობს ან რა პოზიციებს აფიქსირებს სხვადასხვა საკითხზე. „პატრიარქის გამორჩევა არ ხდება იმ პირობებით, ვინ ცხენით დადის და ვინ მანქანით. არ ხდება შედარებებით, ვინ მეტად შეაგინებს რუსეთს, დამპყრობელს ან შეაქებს ევროპას და პირიქით,“ — აღნიშნა მიტროპოლიტმა.

მეუფე საბას განცხადებით, მსგავსი მსჯელობები მცირერიცხოვანი ჯგუფებისგან მოდის, თუმცა ეკლესიისთვის გადამწყვეტი არა ადამიანური, არამედ ღვთიური ნებაა. „ყველაფერი ზეცაში წყდება,“ — თქვა მან.

ქადაგებისას მიტროპოლიტმა ასევე ხაზი გაუსვა, რომ პატრიარქობა არ უნდა აღიქმებოდეს, როგორც ადმინისტრაციული თანამდებობა. მისი განმარტებით, ეს არის დიდი პასუხისმგებლობა, სულიერი ტვირთი და ჯვარი, რომელიც განსაკუთრებულ მსახურებას და თავდადებას მოითხოვს.

მართლმადიდებელ ჟურნალისტთა კავშირი წერდა, მიტროპოლიტი დიმიტრი შიოლაშვილი: ,,პატრიარქის არჩევა არაუგვიანეს ორ თვეში მოხდება”.

წაიკითხეთ ასევე