პრეშოვის მთავარეპისკოპოსის, ჩეხეთისა და სლოვაკეთის მიტროპოლიტის, უნეტარეს როსტისლავის სამძიმარი

ჩეხეთისა და სლოვაკეთის მიტროპოლიტი როსტისლავი

მის მაღალყოვლადუსამღვდელოესობას, სენაკისა და ჩხოროწყუს მიტროპოლიტ შიოს, საქართველოს მართლმადიდებელი ეკლესიის საპატრიარქო ტახტის მოსაყდრეს; საქართველოს მართლმადიდებელი ეკლესიის წმინდა სინოდს
თქვენო მაღალყოვლადუსამღვდელოესობავ!
ჩეხეთისა და სლოვაკეთის მართლმადიდებელი ეკლესიის სისავსემ დიდი მწუხარებით მიიღო ამბავი უწმინდესისა და უნეტარესის, სრულიად საქართველოს კათოლიკოს-პატრიარქის, ილია II-ის გარდაცვალების შესახებ. განსვენებული პირველიერარქი არის ცოცხალი მოწმობა მთელი ღვთივკურთხეული საქართველოს უფლისადმი უანგარო სიყვარულისა და ერთგულებისა. მისი უწმინდესობისა და უნეტარესობის ცხოვრების გზა არის გზა მღვდელმთავრისა და აღმსარებლისა, ადამიანისა, რომელიც არა მხოლოდ ფაქიზად გრძნობდა საკუთარი ერის სულს, არამედ, უპირველეს ყოვლისა, სრულად დარწმუნებულმა იცოდა, რომ ეს სული ეკუთვნის ქრისტეს და მის წმინდა ეკლესიას - იმ ეროვნულ საგანძურს, რომელიც ვერ წაართვა ვერც განსაცდელებმა, ვერც უცხოტომელთა შემოსევებმა და ვერც შინაომებმა.

ჭეშმარიტად, უწმინდესი და უნეტარესი პატრიარქი ილია იყო ყველა ქართველის ნამდვილი სულიერი მამა.
გულწრფელად გისამძიმრებთ თქვენ და საქართველოს მართლმადიდებელი ეკლესიის მთელ სისავსეს. გულითადი სითბოთი ვლოცულობთ მისთვის და გვწამს, რომ ყოვლადმოწყალე უფალი, რომელიც არის ღმერთი არა მკვდართა, არამედ ცოცხალთა, დაამკვიდრებს მას მართალთა სავანეში.
საუკუნოდ იყოს ხსენება მისი!
როსტისლავი
პრეშოვის მთავარეპისკოპოსი, ჩეხეთისა და სლოვაკეთის მიტროპოლიტი

მართლმადიდებელ ჟურნალისტთა კავშირი წერდა, ილია II-ის გარდაცვალება – საერთო ტკივილი, რომელიც საზღვრებს სცდება.