ბმე-ის იერარქი: მაკედონიის ეკლესიის სახელს ეკლესიების დიალოგი განსაზღვრავს

ბულგარეთის მართლმადიდებლური ეკლესიის იერარქმა, ლოვჩანის მიტროპოლიტმა გაბრიელმა ბულგარეთის ეროვნული რადიოს ეთერში კომენტარი გააკეთა სინოდის გადაწყვეტილებაზე მაკედონიის ეკლესიის სახელზე და ჩრდილოეთ მაკედონიის პრეზიდენტის რეაქციაზე მასზე.

„სერბეთის პატრიარქის წერილში ნათქვამია, რომ მაკედონიის მართლმადიდებლური ეკლესიის სახელი გაირკვევა ბერძნულენოვან და სხვა ადგილობრივ ეკლესიებთან დიალოგით. ჩვენს გადაწყვეტილებაში პოლიტიკური არაფერი იყო“, - განაცხადა მეუფე გაბრიელმა.

„პოლიტიკოსებმა შეწყვიტონ ხალხის ერთმანეთის წინააღმდეგ ამხედრება. ვცდილობთ ვეძიოთ ადამიანებს შორის სიკეთე, სიყვარული, რაც გვაკავშირებს და არ გამოვიგონოთ სხვადასხვა ბარიერები, რომელთაგან ბევრი საერთოდ არ არსებობს“, - აღნიშნა ბულგარეთის მართმადიდებლური ეკლესიის იერარქმა.

შეგახსენებთ, რომ ჩრდილოეთ მაკედონიის პრეზიდენტმა სტევო პენდაროვსკიმ განაცხადა, რომ მაკედონიის ეკლესიის სახელწოდების შესახებ გადაწყვეტილება ბმე-ის სინოდმა არ უნდა განიხილოს.

მანამდე მჟკ-მ გვაუწყა, რომ ნევროკოპის მიტროპოლიტ სერაფიმეს თქმით, ახალი ავტოკეფალური ეკლესიის ტერიტორიისა და სახელწოდების საკითხები დადგინდება ყველა ადგილობრივი ეკლესიის მიერ აღიარების პროცესში.