8 მარტს ნეტარი მატრონას წმიდა ნაწილთა აღმოყვანების დღეა

წმინდა მატრონა მოსკოველი. ფოტო: monastir

ნეტარი მატრონა დაიბადა 1885 წელს ტულის გუბერნიაში. მიუხედავად იმისა, რომ დაბადებიდან ბრმა იყო, მას სულიერი მხედველობის ნიჭი ჰქონდა.

მისი ცხოვრებისეული გადმოცემის თანახმად, ადრეული ასაკიდანვე იცოდა არა მხოლოდ ადამიანების ცოდვებისა და დანაშაულების შესახებ, არამედ მათი აზრების შესახებაც. მისი ლოცვით ადამიანები იღებდნენ განკურნებას დაავადებებისგან და ნუგეშს მწუხარებაში.

1925 წელს მატრონა გადავიდა მოსკოვში, სადაც სიცოცხლის ბოლომდე ცხოვრობდა. დღისით სახლში იღებდა მათ, ვინც მასთან რჩევისა და განკურნებისთვის მიდიოდა, ღამეებს კი ლოცვაში ატარებდა. რეგულარულად აღსარებას ამბობდა და წმინდა ზიარებას იღებდა. 1952 წლის 2 მაისს ნეტარი გარდაიცვალა.

ნეტარი მატრონას ნეშტის აღმოჩენა 1998 წლის 8 მარტის ღამეს მოხდა, როდესაც მისი უწმინდესობის პატრიარქ ალექსი II-ის ლოცვა-კურთხევით მისი საფლავი გაიხსნა. წმინდა ნაწილები მოსკოვში, დანილოვის მონასტერში გადაასვენეს, საიდანაც მოგვიანებით მოსკოვის წმინდა ღვთისმშობლის შუამდგომლობის მონასტრის ეკლესიაში გადაასვენეს, სადაც ვერცხლის ლუსკუმაში ჩააბრძანეს.

1999 წლის 2 მაისს, ნეტარი მატრონა მოსკოვის ეპარქიის ადგილობრივად პატივცემულ წმინდანად შერაცხეს. 2004 წლის ოქტომბერში, რუსეთის მართლმადიდებლური ეკლესიის ეპისკოპოსთა კრებაზე, მოსკოველი მატრონა საყოველთაო წმინდანად შერაცხეს.

ყოველდღიურად მორწმუნეთა დიდი რაოდენობა მოდის საფარველის მონასტერში ნეტარი მატრონას წმინდა ნაწილების თაყვანისსაცემად.

მართლმადიდებელ ჟურნალისტთა კავშირი წერდა, საფრანგეთში, წმინდა თამარ მეფის ტაძარში მიცვალებულთა ხსენების დღე აღინიშნება.