გარდაიცვალა მცხეთის მუნიციპალიტეტში იღუმენი მიქაელი (ოთარაშვილი)

წმინდა გიორგის სახელობის მამათა მონასტრის წინამძღვარი, იღუმენი მიქაელი (ოთარაშვილი)

ამა წლის 1 მარტს გარდაიცვალა მცხეთის მუნიციპალიტეტის სოფელ თხინვალში მდებარე წმინდა გიორგის სახელობის მამათა მონასტრის წინამძღვარი, იღუმენი მიქაელი (ოთარაშვილი).

იღუმენი მიქაელი მრავალი წლის განმავლობაში ერთგულად ემსახურებოდა წმინდა ეკლესიას, ხელმძღვანელობდა მონასტრის საძმოს და მნიშვნელოვანი წვლილი შეიტანა მონასტრული ცხოვრების განმტკიცებასა და სულიერი ცხოვრების გაღრმავებაში. იგი გამოირჩეოდა თავმდაბლობით, მოყვასის სიყვარულითა და თავდადებული მსახურებით, რითაც დიდი პატივისცემა დაიმსახურა როგორც სასულიერო პირებს, ისე მრევლსა და საზოგადოების წარმომადგენლებს შორის.

განსვენებული იღუმენის დაკრძალვა ოთხშაბათს, 4 მარტს, სოფელ თხინვალის წმინდა გიორგის სახელობის მამათა მონასტერში გაიმართება, სადაც იგი წლების განმავლობაში წინამძღვრობდა საძმოს და მონასტრის სულიერ ცხოვრებას ხელმძღვანელობდა.

მართლმადიდებელ ჟურნალისტთა კავშირი ღრმა მწუხარებას გამოთქვამს იღუმენი მიქაელის გარდაცვალების გამო და თანაუგრძნობს მონასტრის საძმოს, განსვენებულის ოჯახსა და სამწყსოს.

მართლმადიდებელ ჟურნალისტთა კავშირი წერდა, ეკლესია დიდმოწამე თეოდორე ტირონს მოიხსენიებს.