მართლმადიდებელი ეკლესია 4 თებერვალს ღირსმოწამე ანასტასი სპარსის ხსენების დღეს აღნიშნავს
ღირსმოწამე ანასტასი სპარსი. ფოტო: ღია წყარო
მართლმადიდებელი სამოციქულო ეკლესია 4 თებერვალს მოიხსენებს ღირსმოწამე ანასტასი სპარსს. იგი ქურუმის ვაჟი იყო და წარმართობაში მაგუნდატის სახელით იყო ცნობილი. ახალგაზრდა მაგუნდატი მსახურობდა სპარსეთის მეფე ხოსროვ II-ის ლაშქარში, რომელმაც 614 წელს დაამარცხა ბერძნები, იერუსალიმი გაძარცვა და უდიდეს სიწმინდეს — უფლის ცხოველმყოფელ ჯვარს დაეუფლა.
უფლის ჯვრის ძალით აღსრულებულმა სასწაულებმა სპარსელებში დიდი შეძრწუნება გამოიწვია. სწორედ ამ სასწაულებმა გააღვივა მაგუნდატის გულში სურვილი, სიღრმისეულად გაეცნო ქრისტიანული სარწმუნოება. ქალაქ ქალდეკონში მან შეიტყო, რომ ამ ჯვარზე ადამიანთა ხსნისთვის განკაცებული მაცხოვარი იქნა ჯვარცმული. ამის შემდეგ მან მიიღო წმიდა ნათლობა ანასტასის სახელით, მონაზვნობა შეიმოსა და შვიდი წელი იერუსალიმის ერთ-ერთ მონასტერში ღვთივსათნო მოღვაწეობით გაატარა.
წმიდა ანასტასი განსაკუთრებული გულმოდგინებით ეცნობოდა მოწამეთა ცხოვრებებს და გულში მათ მიბაძვის სურვილი უძლიერდებოდა. დიდ შაბათს ღამით მან იდუმალი ხილვა იხილა — ნათელმოსილმა ჭაბუკმა ღვინით სავსე ფიალა გადასცა სიტყვებით: „მიიღე და სვი!“, რის შემდეგაც სულიერი სიტკბოება იგრძნო. ეს ხილვა მან საკუთარი მოწამეობის წინასწარგანცხადებად მიიღო.
ანასტასიმ ფარულად დატოვა მონასტერი და პალესტინის კესარიაში გაემგზავრა, სადაც იგი შეიპყრეს და სამსჯავროზე წარადგინეს. მიუხედავად მძიმე წამებისა და მუქარისა, ასევე მიწიერი სიკეთეების დაპირებისა, წმიდა ანასტასი ქრისტიანული სარწმუნოებიდან ვერ გადადრიკეს. მან მტკიცედ აღიარა:
„ვერასოდეს, არც ცხადად და არც ფარულად, თვით ძილშიც კი, არ უარვყოფ ქრისტეს“.
მეფე ხოსროვ II-ის ბრძანებით წმიდა ანასტასი 628 წელს დაახრჩვეს. უსჯულო მეფის სიკვდილის შემდეგ ღირსმოწამის უხრწნელი ნაწილები პალესტინაში, წმიდა ანასტასის სავანეში გადაასვენეს.
მართლმადიდებელი ეკლესია ღირსმოწამე ანასტასი სპარსის ღვაწლს ქრისტესადმი ურყევი ერთგულებისა და გმირული აღმსარებლობის მაგალითად იხსენებს.
მართლმადიდებელ ჟურნალისტთა კავშირმა დაწერა, 3 თებერვალს მართლმადიდებელი ეკლესია ღირს მაქსიმე აღმსარებელს მოიხსენებს.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.