გივი მიქანაძე ისრაელში მოქმედი საკვირაო სკოლა „მამულის“ მასწავლებლებს შეხვდა
მეცნიერებისა და ახალგაზრდობის მინისტრმა გივი მიქანაძემ ისრაელში მოქმედი დიასპორული ორგანიზაციისა და საკვირაო სკოლა „მამულის“ მასწავლებლებთან შეხვედრა გამართა.ფოტო: სამინისტროს გვერდი
საქართველოს განათლების, მეცნიერებისა და ახალგაზრდობის მინისტრმა გივი მიქანაძემ ისრაელში მოქმედი ქართული დიასპორული ორგანიზაციისა და საკვირაო სკოლა „მამულის“ მასწავლებლებთან სამუშაო შეხვედრა გამართა.
შეხვედრის ფარგლებში მინისტრმა პედაგოგებს საქართველოს განათლების სისტემაში მიმდინარე რეფორმების შესახებ მიაწოდა ინფორმაცია და სამინისტროს სამომავლო გეგმები გააცნო. გივი მიქანაძემ განსაკუთრებული მადლობა გადაუხადა სკოლის წარმომადგენლებს იმ ფასდაუდებელი და უანგარო შრომისთვის, რომელსაც ისინი წლების განმავლობაში ეწევიან. მისი თქმით, მსგავსი ინიციატივები უმნიშვნელოვანეს როლს ასრულებს ქართული დიასპორის წარმომადგენლებში ეროვნული თვითშეგნების გაძლიერების, ქართული ენისა და სამშობლოსთან მჭიდრო კავშირის შენარჩუნების საქმეში.
შეხვედრის მონაწილეებმა ისაუბრეს საკვირაო სკოლის წინაშე არსებულ გამოწვევებზე და მათი დაძლევის შესაძლო გზებზე. მინისტრმა პედაგოგებს სკოლის განვითარების პროცესში სამინისტროს მხარდაჭერა აღუთქვა.
შეხვედრას ასევე ესწრებოდნენ საქართველოს განათლების, მეცნიერებისა და ახალგაზრდობის სამინისტროს საერთაშორისო ურთიერთობების დეპარტამენტის უფროსი ნიკოლოზ ბესელია, ისრაელის სახელმწიფოში საქართველოს საქმეთა დროებითი რწმუნებული სოფიო ოტიაშვილი და ისრაელში ქართული დიასპორული ორგანიზაცია „მამულის“ ხელმძღვანელი ირაკლი კილაძე.
მართლმადიდებელ ჟურნალისტთა კავშირი წერდა, მინისტრი გივი მიქანაძე იერუსალიმისა და სრულიად პალესტინის პატრიარქს შეხვდა.
ავსტრიამ 14 წლამდე ასაკის გოგონებს სკოლებში ჰიჯაბის ტარება აუკრძალა
2026/2027 სასწავლო წლიდან ავსტრიაში 14 წლამდე ასაკის გოგონებს მუსლიმური თავსაბურავის ტარება აეკრძალებათ.
ნეკრესელი მიტროპოლიტი სერგის გარდაცვალებიდან 5 წელი გავიდა
ვერიის ყოვლადწმინდა ღვთისმშობლის სახელობის ტაძარში მღვდელმთავრის სულის მოსახსენიებელი პარაკლისი აღესრულა.
მსოფლიო პატრიარქმა ოქსფორდში ადამიანის უფლებებზე ისაუბრა
ბართლომეოსმა სიტყვა წარმოთქვა ოქსფორდის უნივერსიტეტის სამართლისა და რელიგიის ცენტრში და ტრისაგიონი აღნიშნა მიტროპოლიტ კალისტოს უერის საფლავთან.
ყოვლადწმინდა სამების საპატრიარქო ტაძართან არსებული სკოლა განაცხადებებს იღებს
აღსანიშნავია, რომ წელს პირველად „ელზას“ სკოლის 11 წარმატებული კურსდამთავრებული ჭრა-კერვის მიმართულებით პროფესიულ დონეზე სწავლას კვლავ გააგრძელებს.
დღეს ეკლესია მთავარანგელოზ მიქაელის მიერ აღსრულებულ საკვირველებას იხსენებს
ხონაში აღსრულებული სასწაულის დღესასწაული წმიდა არქიპოს ღვაწლსა და მთავარანგელოზ მიქაელის მიერ ტაძრის სასწაულებრივ გადარჩენას უკავშირდება.
ბაგების მაცხოვრის აღდგომის სახელობის ტაძარში ღვთისმსახურების დროებითი ცვლილებაა
საკურთხეველში მიმდინარე სამუშაოების გამო, ღვთისმსახურება 26–27 სექტემბერს ჯვართამაღლების დღესასწაულთან დაკავშირებით აღესრულება.