22 იანვარს ეკლესია წმიდა მოწამე პოლიევქტო მხედარს მოიხსენებს
წმიდა მოწამე პოლიევქტო. ფოტო: მართლმადიდებლური ხატები
22 იანვარს მართლმადიდებელი სამოციქულო ეკლესია წმიდა მოწამე პოლიევქტო მხედრის ხსენების დღეს აღნიშნავს. წმიდანი იმპერატორ დეკიუსის (249–251) ლაშქარში მსახურობდა, ხოლო ქრისტესთვის წამება ვალერიანის ზეობისას (253–259) დაითმინა.
წმიდა პოლიევქტო მეგობრობდა მტკიცე ქრისტიან მხედარ ნეარქთან. მიუხედავად ღვთისმოშიშებისა, იგი თავდაპირველად წარმართად რჩებოდა, თუმცა ქრისტიანთა დევნის დაწყებისას წმიდანმა ძილში იხილა უფალი იესო ქრისტე, რომელმაც იგი ბრწყინვალე სამოსით შემოსა. ამ ხილვის შემდეგ პოლიევქტომ მტკიცედ გადაწყვიტა ქრისტეს სამსახურში ჩადგომა.
სულით ანთებული წმიდანი ქალაქის მოედანზე გავიდა, ჩამოგლიჯა და დახია მეფის ბრძანება, რომელიც კერპთაყვანისცემას ავალდებულებდა, და დაამსხვრია წარმართული კერპები. ამ საქციელმა შიში მოჰგვარა მის სიმამრს, მმართველ ფელოქსს, თუმცა არც ცოლის ცრემლებმა და არც ახლობლების თხოვნამ ვერ შეაცვლევინა პოლიევქტოს გადაწყვეტილება. წმიდანმა სიხარულით მოუდრიკა თავი მახვილს და საკუთარი სისხლით მოინათლა (+259).
ქრისტიანობის სახელმწიფო რელიგიად გამოცხადების შემდეგ, მოციქულთასწორ კონსტანტინეს დროს, ქალაქ მელიტინში წმიდა მოწამე პოლიევქტოს სახელობის ტაძარი აღიმართა, სადაც მრავალი სასწაული აღესრულებოდა. წმიდანის მეოხებით უშვილო მშობლებს მემკვიდრე ებოძათ, მათ შორის იყვნენ წმიდა ექვთიმე დიდის მშობლებიც. წმიდა პოლიევქტოს განსაკუთრებულ პატივს მიაგებდა მღვდელმთავარი აკაკი მელიტინელი — III მსოფლიო კრების მონაწილე და მართლმადიდებლობის დიდი დამცველი.
მართლმადიდებლურ ტრადიციაში წმიდა მოწამე პოლიევქტო დადებული აღთქმებისა და ხელშეკრულებების მფარველად ითვლება.
მართლმადიდებელ ჟურნალისტთა კავშირი წერდა, სამთავროს დედათა მონასტრის კრებულმა დედა იღუმენიას 78 წლის იუბილე მიულოცა.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.