გორისა და ატენის მიტროპოლიტმა ანდრიამ კასპში საღვთო ლიტურგია აღავლინა
გორისა და ატენის მიტროპოლიტი ანდრია. ფოტო: ეპარქიის გვერდი
კვირას, 4 იანვარს, გორისა და ატენის მიტროპოლიტმა ანდრიამ საღვთო ლიტურგია აღავლინა კასპში მდებარე წმინდა მეფე ვახტანგ გორგასლის სახელობის საკათედრო ტაძარში.
სადღესასწაულო ღვთისმსახურება აღევლინა უწმინდესისა და უნეტარესის, სრულიად საქართველოს კათოლიკოს-პატრიარქის დაბადების დღის აღსანიშნავად. ლიტურგიას ესწრებოდა ადგილობრივი სამღვდელოება და ტაძრის მრევლი.
ღვთისმსახურების დასასრულს მეუფე ანდრიამ შეკრებილებს მიმართა სიტყვით, გაიხსენა უწმინდესისა და უნეტარესის ცხოვრება და მრავალწლიანი საკლესიო მოღვაწეობა, მისი განსაკუთრებული ღვაწლი ეკლესიისა და ქართველი ერის წინაშე.
მართლმადიდებელ ჟურნალისტთა კავშირი წერდა, ფოთისა და ხობის ეპარქიაში 30–31 დეკემბერს მრავალმნიშვნელოვანი საეკლესიო მოვლენები ჩატარდა.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.