28 ნოემბერს იწყება საშობაო მარხვა

საილუსტრაციო ფოტო: სამარხვო სუფრა

დღეს, 28 ნოემბერს, საქართველოს სამოციქულო ეკლესიაში ოფიციალურად დაიწყო საშობაო მარხვა, რომელიც 40 დღეს გრძელდება და ქრისტეშობის დიდ დღესასწაულამდე – 7 იანვრის დილამდე – გრძელდება.

საშობაო მარხვა ერთ-ერთი უმნიშვნელოვანესი პერიოდია მორწმუნეების სულიერ ცხოვრებაში. ეკლესიის სწავლებით, მარხვა არ არის მხოლოდ საკვების თავშეკავება; ეს არის გზა შინაგანი განწმენდისკენ, ღმერთთან დაახლოებისკენ და ბავშვივით სიმდაბლისა და მოკრძალების შეძენისკენ – რასაც თავად მაცხოვრის შობა გვასწავლის.

წმინდა მამები აღნიშნავენ, რომ მარხვა ადამიანს აძლევს საშუალებას, მოერიოს ვნებებს, დაამყაროს სიმშვიდე გულში და აღადგინოს სულიერი წონასწორობა. ამ პერიოდში განსაკუთრებული ყურადღება ექცევა ლოცვას, სინანულს, ქველმოქმედებას და მოყვასის მიტევებას.

ეკლესია მოუწოდებს მორწმუნეებს, რომ მარხვა აღასრულონ შესაძლო ზომებში, სულიერი მოძღვრის კურთხევით. განსაკუთრებული შეღავათებია ბავშვებისთვის, მოხუცებისთვის, ავადმყოფებისთვის და მძიმე შრომაში მყოფთათვის.

მჟკ ადრე წერდა, სერბეთის პრეზიდენტმა შობა ათონის ხილანდარის მონასტერში აღნიშნა.