ბოლნისში სოხუმის დაცემის 32-ე წლისთავი აღნიშნეს

ბოლნისის მუნიციპალიტეტის მერის მოვალეობის შემსრულებელი, ბუბა გობეჯიშვილი. ფოტო: ბოლნისის მუნიციპალიტეტის მერია

2025 წლის 27 სექტემბერს სოხუმის დაცემის 32-ე წლისთავთან დაკავშირებით, ბოლნისის მუნიციპალიტეტში მასშტაბური საზეიმო ღონისძიებები გაიმართა. ინფორმაციას ბოლნისის მუნიციპალიტეტის მერია ავრცელებს. 

ბოლნისის მუნიციპალიტეტის მერის მოვალეობის შემსრულებელმა ბუბა გობეჯიშვილმა, ადგილობრივი თვითმმართველობის წარმომადგენლებთან და სამხედრო აღრიცხვის, გაწვევისა და რეკრუტირების ბოლნისის მუნიციპალური განყოფილების უფროს სერჟანტ რაულ იასაღაშვილთან ერთად, საქართველოს ტერიტორიული მთლიანობისათვის დაღუპულთა და უგზო-უკვლოდ დაკარგულთა ხსოვნის მემორიალი გვირგვინით შეამკო.

ღონისძიებას ესწრებოდნენ როგორც ადგილობრივი ხელისუფლების წარმომადგენლები, ასევე ომში დაღუპულთა და უგზო-უკვლოდ დაკარგულთა ოჯახის წევრები. მემორიალთან პატივისცემის ნიშნად, ბოლნისის მთავარეპისკოპოსმა ეფრემმა ომში დაღუპული გმირების სულის მოსახსენებელი პანაშვიდი გადაიხადა.

აღსანიშნავია, რომ სოხუმის დაცემის დღესთან დაკავშირებით, მერის წარმომადგენლებმა ომში დაღუპულ და უგზო-უკვლოდ დაკარგულ მეომართა ოჯახებს ერთჯერადი ფულადი დახმარება გადასცეს, რაც სახელმწიფოსა და ადგილობრივი თვითმმართველობის მხრიდან მხარდაჭერის სიმბოლოა.

მართლმადიდებელ ჟურნალისტთა კავშირი წერდა, მიტროპოლიტი შიო: ჯვრის ძალა და სიყვარულის გზაზე ყოფნა. 

წაიკითხეთ ასევე