მუსლიმები შვედეთში ყურანის დაწვის გამო აჯანყდნენ

შვედეთის ქალაქებში ლინკოპინგში, ლანდსკრონაში, ნორკეპინგში, ორებროსა და მალმოში უკვე მესამე დღეა არეულობები იმართება ულტრამემარჯვენე Hard Deal პარტიის ლიდერის რასმუს პალუდანის გამოსვლის გამო - პარასკევს მან დაწვა ყურანის კიდევ ერთი ეგზემპლარი, რამაც მრავალი შეტაკება გამოიწვია, იუწყება svenska. yle.fi.

რასმუს პალუდანი არის ულტრამემარჯვენე მოძრაობა Hard Deal-ის ლიდერი, პოლიტიკოსი, რომელიც ითხოვს დანიაში ისლამის აკრძალვას. გარდა ამისა, ის მოუწოდებს „არადასავლური“ წარმოშობის ყველა ადამიანის დეპორტაციას, ვინც თავშესაფარი მიიღო სკანდინავიის ქვეყნებში.

14 აპრილის საღამოს ნორკეპინგის ცენტრში რამდენიმე ადგილას არეულობა დაიწყო. შვედეთის დედაქალაქიდან სამხრეთით 170 კილომეტრში მდებარე ქალაქში ერთ-ერთ ტრამვაიზე თავდასხმის შემდეგ, საზოგადოებრივი ტრანსპორტი შეჩერდა.

შეტაკების შედეგად პოლიციის რამდენიმე მანქანა დაიწვა, პოლიციელებს კი ქვები ესროლეს. დაშავებულებს შორის არიან როგორც პოლიციელები, ასევე სამოქალაქო პირები.

ახალი არეულობა მოხდა შაბათიდან კვირას ღამით მალმოში დანიის მემარჯვენე ექსტრემისტული პარტიის ლიდერის რასმუს პალუდანის ქმედებებთან დაკავშირებით, რომელიც აწყობდა ანტიისლამურ დემონსტრაციებს ყურანის საჯარო დაწვით.

თავდაპირველად, პალუდანის აქცია ქალაქ ლანდსკრონაში იყო დაგეგმილი, მაგრამ უსაფრთხოების მიზნით, პოლიციამ ღონისძიების ორგანიზატორებს სხვა ადგილი შესთავაზა მალმოს ერთ-ერთ გარეუბანში.

პოლიციის ცნობით, თავდაპირველად დემონსტრაცია მშვიდად წარიმართა, მაგრამ შემდეგ ორმა ათეულმა ახალგაზრდამ დაიწყო ქვების სროლა სამართალდამცავების მიმართ, რომლებიც აკონტროლებდნენ ღონისძიებას.

საღამოს, პალუდანის წასვლის შემდეგ, ყველაფერი დაწყნარდა, მაგრამ დაახლოებით შუაღამისას აჯანყებამ განახლებული ენერგიით დაიწყო. მიუხედავად იმისა, რომ პალუდანის აქცია გადაიდო, აჯანყებამ ლანდსკრონაც მოიცვა.

როგორც ადრე მჟკ იტყობინება, პალესტინელების ბრბომ ნაბლუსში იოსების საფლავი შეურაცხყო.