ნიგერიაში ისლამისტებმა ხუთი ქრისტიანი მოკლეს და კიდევ 110 გაიტაცეს

ნიგერიელი პოლიციელი ფულანების თავდასხმის შემდეგ დანგრეული და დამწვარი სახლების ტერიტორიას პატრულირებს. ფოტო: Сhristian Post

2025 წლის 11 ივლისს, ნიგერიის ჩრდილო-დასავლეთ შტატ კადუნაში, ფულანის ტომის შეიარაღებულმა ისლამისტები ქრისტიანებს თავს დაესხნენ, რის შედეგადაც ხუთი ადამიანი მოკლეს და სამი დაჭრეს, იტყობინება Christian Daily.

თავდასხმა კაჯურუს ოლქის სოფელ კამპანიში, ევანგელისტურ ეკლესიაში „ყველას გამარჯვებული“ (ECWA) ლოცვის დროს მოხდა, სადაც იმ დროს დაახლოებით 40 ადამიანი იმყოფებოდა.

თვითმხილველების თქმით, თავდასხმა დაახლოებით დღის 3:30 საათზე მოხდა. შეიარაღებულმა პირებმა შეკრებილ მლოცველებს თავს დაესხნენ და ცეცხლი გაუხსნეს. ცეცხლსასროლი იარაღით მიყენებული ჭრილობების მქონე პირები საავადმყოდოში გადაიყვანეს. ამ ტერიტორიის მაცხოვრებლები ამბობენ, რომ ისინი მუდმივი შიშის მდგომარეობაში ცხოვრობენ და აღარ შეუძლიათ უსაფრთხოდ დარჩენა სახლში ან ფერმებში მუშაობა.

ადგილობრივი ქრისტიანი ლიდერების თქმით, მხოლოდ 2025 წლის პირველი ექვსი თვის განმავლობაში კაჯურუს ოლქში სულ მცირე 110 ადამიანი გაიტაცეს, ძირითადად ქრისტიანული სოფლებიდან. თავდასხმებს შორისაა სახლების დანგრევა, ეკლესიების დაწვა და ქონების ძარცვა. ამ ქმედებებზე პასუხისმგებლობა ფულანის მწყემსების ისლამისტურ ჯგუფებს ეკისრებათ.

უნდა აღინიშნოს, რომ ნიგერია ქრისტიანებისთვის დედამიწაზე ერთ-ერთ ყველაზე საშიშ ადგილად რჩება, Open Doors-ის იმ ქვეყნების სიის მიხედვით, სადაც ქრისტიანობა ყველაზე რთულია 2025 წელს. მსოფლიო საკონტროლო სიის მიხედვით, საანგარიშო პერიოდში მსოფლიოში რწმენის გამო მოკლული 4476 ქრისტიანიდან 3100 (69 პროცენტი) ნიგერიაში მოკლეს.

ადრე მჟკ-მა დაწერა, რომ ისლამისტებმა ნიგერიაში ქრისტიანული სოფლის ექვსი მცხოვრები მოკლეს.