უმე-ის წინამძღოლი:ჩვენ ვლოცულობთ მშვიდობისათვის,სიყვარულმა სძლიოს ბოროტებას

2022 წლის 20 მარტს, მისმა უნეტარესმა მიტროპოლიტმა ონუფრიმ, უკრაინაში მშვიდობისთვის ლოცვის შემდეგ, მოუწოდა სიყვარულის გამარჯვებისკენ ბოროტებაზე, რომელიც დომინირებს ადამიანებზე, იუწყება news.church.ua.

„დღეს ვილოცეთ საღმრთო ლიტურგიაზე და ახლა აღვასრულეთ ლოცვა ჩვენს სახელმწიფოში, უკრაინაში მშვიდობისთვის. ჩვენ ვთხოვთ ყოვლადწმიდა ღვთისმშობელს, ვთხოვთ წმინდა მამებს ანტონს და თეოდოსს და ყველა მღვიმელს, რათა ევედრონ ღმერთს ჩვენი ცოდვების მიტევებაზე და მოგვცეს მშვიდობა“, - აღნიშნა მისმა უნეტარესმა.

მისი უნეტარესის თქმით, რუსეთსა და უკრაინას შორის დაწყებული მოლაპარაკებები იოლი არ არის, მაგრამ ეს პირველი ჰუმანური ნაბიჯია. 

„იოლი არ არის, მაგრამ ეს უკვე პირველი ჰუმანური ნაბიჯია, როცა ადამიანებს შორის წარმოქმნილი პრობლემების კომპეტენტური სიტყვით გადაჭრას ცდილობენ. ვისურვებდი, რომ ამ მოლაპარაკებებს კარგი გაგრძელება ჰქონდეს, მათ მიიღონ გონივრული, გაწონასწორებული გადაწყვეტილებები და სიყვარულმა დაამარცხოს ბოროტება, რომელიც დომინირებს ადამიანებზე“, - განაცხადა უმე-ის წინამძღოლმა.

"უფალმა დალოცოს ჩვენი მიწა, ჩვენი მთავრობა, ჩვენი ჯარი და მთელი ჩვენი უკრაინელი ხალხი", - დალოცა მისმა უნეტარესმა.

როგორც მჟკ ადრე იტყობინებოდა, მისმა უნეტარესმა ლიტურგია, ლოცვა და მსვლელობა კიევის ლავრაში ჩაატარა.