აშშ-ში მამაკაცი სატვირთო მანქანით ეკლესიაში შევარდა და ცეცხლი გახსნა

მიჩიგანის ეკლესია ტერორისტული აქტის შემდეგ. ფოტო:

აშშ-ის მიჩიგანის შტატში, 31 წლის მამაკაცმა პროტესტანტული ეკლესიის შენობაში სატვირთო მანქანით შევარდა და შემდეგ მრევლს ცეცხლი გაუხსნა. ერთი ადამიანი დაშავდა, თავდამსხმელი კი ადგილზევე იქნა ლიკვიდირებული.

ინციდენტი უეინის ქალაქში, ბავშვთა საზაფხულო ბანაკებისადმი მიძღვნილი საჯარო ღონისძიების დროს მოხდა. ამ დროს შენობაში ბავშვებიანი ოჯახები იმყოფებოდნენ. თავდამსხმელი ტერიტორიაზე სიტყვით გამოსვლის დროს შეიჭრა.

პირდაპირი ტრანსლაციის კადრებით თუ ვიმსჯელებთ, მრევლი პანიკაში გაიქცა დარბაზიდან და სკამების უკან დამალვას ცდილობდა.

პოლიციის ცნობით, მსროლელი შეიარაღებულმა ეკლესიის დაცვის თანამშრომელმა გაანეიტრალა. ერთადერთი მსხვერპლი მამაკაცი იყო, რომელმაც ფეხში ტყვია მიიღო. მის სიცოცხლეს საფრთხე არ ემუქრება.

ამ დროისთვის პოლიციამ ტერიტორია ალყაში მოაქცია და გამოძიებას ატარებს. თავდამსხმელის მოტივები ჯერ არ არის დადგენილი. მისი ვინაობა ოფიციალურად არ გახმაურებულა.

მანამდე, მჟკ-მა დაწერა, რომ ტერორისტებმა სირიაში მართლმადიდებლურ ეკლესიაში 15 ადამიანი მოკლეს.