უმე-ის წინამძროლი: მოძმე ხალხებს შორის ომს გამართლება არ აქვს

უკრაინაში რუსეთის „სამხედრო სპეცოპერაციის“ დაწყებასთან დაკავშირებით, მისმა უნეტარესმა მიტროპოლიტმა ონუფრიმ უკრაინის მოქალაქეებს მიმართა. ამის შესახებ უმე-ის საინფორმაციო-საგანმანათლებლო დეპარტამენტი იტყობინება.

„სამწუხაროდ, რუსეთმა დაიწყო სამხედრო ოპერაციები უკრაინის წინააღმდეგ და ამ საბედისწერო დროს მოგიწოდებთ, არ ჩავარდეთ პანიკაში, იყოთ გაბედულები და გამოავლინოთ სიყვარული თქვენი სამშობლოსა და ერთმანეთის მიმართ. უპირველეს ყოვლისა, მოგიწოდებთ ინტენსიური სინანულის ლოცვას უკრაინისთვის, ჩვენი ჯარისთვის და ჩვენი ხალხისთვის, გთხოვთ დაივიწყოთ ურთიერთდაპირისპირება და უთანხმოება და გაერთიანდეთ ღვთისა და ჩვენი სამშობლოს სიყვარულით“, - განაცხადა უმე-ის ლიდერმა.

მისმა უნეტარესმა ვლადიკამ აღნიშნა, რომ უკრაინელი და რუსი ხალხები ერთი და იგივე გუმბათის ქვეშ მონათლულნი არიან, რაც ნიშნავს, რომ ასეთ ომს გამართლება არ აქვს.

„ამ ტრაგიკულ დროს ჩვენ განსაკუთრებულ სიყვარულს და მხარდაჭერას ვუცხადებთ ჩვენს ჯარისკაცებს, რომლებიც დგანან და იცავენ ჩვენს მიწას და ჩვენს ხალხს. ღმერთმა დალოცოს და დაიფაროს ისინი!“ - განაცხადა მიტროპოლიტმა ონუფრიმ.

მანამდე მჟკ წერდა, რომ უმე-ის წინამძღოლმა მორწმუნეებს მოუწოდა გააძლიერონ ლოცვა მშვიდობისთვის.