AI-ის შემქმნელი: 2030 წლამდე 92 მილიონი ადამიანი დაკარგავს სამუშაოს

ხელოვნური ინტელექტის საილუსტრაციო სურათი. ფოტო: Flickr by Ecole polytechnique

2025 წლის 31 მაისს კომპანია Anthropic-ის გენერალურმა დირექტორმა დარიო ამოდეიმ CNN-თან განაცხადა, რომ ხელოვნურმა ინტელექტმა შესაძლოა მომდევნო ხუთი წლის განმავლობაში ყოველ მეორე საოფისე სამსახურს დაუსვას წერტილი.

ჩატბოტ „Claude“-ის შემქმნელის თქმით, მომდევნო ხუთ წელიწადში ხელოვნური ინტელექტის გამოყენებამ შეიძლება 92 მილიონი სამუშაო ადგილის გაქრობა გამოიწვიოს — ავტომატიზაციისა და ახალი ტექნოლოგიების ფონზე.

Anthropic-ის ხელმძღვანელმა, რომლის კომპანია ამ სფეროში ერთ-ერთი ლიდერია, აღნიშნა, რომ საზოგადოება და პოლიტიკოსები ჯერ არ არიან მზად შრომის ბაზარზე ასეთი ცვლილებებისთვის. მან გააფრთხილა, რომ 2030 წლისთვის უმუშევრობის დონე შეიძლება 20%-მდე გაიზარდოს, თუ შესაბამისი ზომები არ იქნა მიღებული.

„ჩვენ ვდგავართ მასშტაბური ტრანსფორმაციის ზღვარზე, რომელიც არა მხოლოდ ეკონომიკას, არამედ მთელ სოციალურ სტრუქტურას შეეხება,“ — განაცხადა ამოდეიმ. მისი აზრით, საჭიროა დაწესდეს საგადასახადო რეგულაციები AI-ის შემქმნელი კომპანიებისთვის.

მან ხაზგასმით აღნიშნა, რომ AI ტექნოლოგიების დანერგვას უნდა ახლდეს სარისკო ფაქტორების მართვა და სოციალური პასუხისმგებლობა.

მანამდე მჟკ  წერდა, რომ ამერიკის ყოველი მეორე ეკლესია ქადაგებისთვის ხელოვნურ ინტელექტს იყენებს.