ტრამპი: უკრაინასა და რუსეთს შორის მოლაპარაკებები ვატიკანში უნდა გაიმართოს

დონალდ ტრამპი. ფოტო: Fox news

2025 წლის 19 მაისს, რუსეთის პრეზიდენტთან სატელეფონო საუბრის შემდეგ, დონალდ ტრამპმა განაცხადა, რომ უკრაინასა და რუსეთს შორის ომის დასრულების მოლაპარაკებები „დაუყოვნებლივ დაიწყება“. მან ხაზგასმით აღნიშნა, რომ ამის შესახებ აცნობა პრეზიდენტებს ზელენსკის, მაკრონს, ევროკომისიის პრეზიდენტ ურსულა ფონ დერ ლაიენს, იტალიის პრემიერ-მინისტრ ჯორჯო მელონის, გერმანიის კანცლერ ფრიდრიხ მერცს და ფინეთის პრეზიდენტ ალექსანდრ სტუბს.

ტრამპის თქმით, მოლაპარაკებები ვატიკანში უნდა შედგეს.

„ვატიკანმა, რომელსაც პაპი წარმოადგენდა, განაცხადა, რომ  დაინტერესებული იქნებოდა მოლაპარაკებების წარმართვით. დაე, პროცესი დაიწყოს!“ - ხაზგასმით აღნიშნა დონალდ ტრამპმა.

მანამდე, მჟკ-მა დაწერა, რომ პაპ ლეოს თქმით, ვატიკანი მზადაა, რუსეთსა და უკრაინას შორის მოლაპარაკებებისთვის თავისი ტერიტორია გამოყოს.