ალექსანდრიის ეკლესიაში უკმაყოფილო არიან ალბანეთის ეკლესიის პოზიციის გამო

2022 წლის 10 თებერვალს ალექსანდრიის მართლმადიდებელი ეკლესიის კამერუნის მიტროპოლიტმა გრიგორიმ განაცხადა, რომ გაკვირვებულია "უკრაინის საკითხზე" ალბანეთის მართლმადიდებელი ეკლესიის წინამძღვრის პოზიციით, იუწყება ბერძნული გამოცემა "დოგმა".

არქიეპისკოპოს ანასტასის გამონათქვამების კომენტირებისას იმაზე, რომ მეუ-ს "ავტოკეფალიის" გამო მართლმადიდებელ ეკლესიაში განხეთქილებაა, მიტროპოლიტმა გრიგორიმ დარწმუნებით თქვა, რომ "არავითარი განხეთქილება არ არის".

"მე მაკვირვებს, რომ ალბანეთის ეკლესიის წინამძღვარი ყველა პრობლემას უკრაინულს მიაწერს (ანუ, თვლის, რომ მართლმადიდებლობაში განხეთქილება წარმოიშვა მეუ-ს გამო.-რედ.), რუსეთის ნაბიჯის აშკარად დაგმობის გარეშე",- განცვიფრებით აღნიშნა პატრიარქ თეოდორეს წარმომადგენელმა.

ის თვლის, რომ არქიეპისკოპოსი ანასტასი თავისი მოსაზრებით ათანასწორებს ალექსანდრიის საპატრიარქოს და მის გრძელ გზას რუსულ ეკლესიასთან, და აღნიშნავს, რომ მას ექმნება შთაბეჭდილება, რომ ალბანეთის ეკლესიის წარმომადგენელს "თითქოს არ სურს გააღიზიანოს ჭირვეული ბავშვი, როდესაც მიუთითებს მას შეცდომაზე".

"ეს არის ორი საზომი და ორი წონა",- თქვა მან, და ამით  ცხადყო, რომ არ შეიძლება ალექსანდრიის საპატრიარქოსა და რუსული მართლმადიდებელი ეკლესიის შედარება.

ადრე მჟკ წერდა, რომ ალექსანდრიის იერარქმა თქვა, რმე-ს როგორ ჩამოართმევენ ავტოკეფალიას.