სერბეთის პატრიარქი პორფირი გამოჯანმრთელდა კორონავირუსისგან

სერბეთის პატრიარქი პორფირი. ფოტო: jesus-portal.ru

სერბეთის მართლმადიდებლური ეკლესიის მეთაური, პატრიარქი პორფირი გამოჯანმრთელდა კორონავირუსისგან, რომლის დიაგნოზიც ორი კვირის წინ დაუდგინდა. ამის შესახებ სოკ-ის პირველმა იერარქმა სოციალურ ქსელ ინსტაგრამის საკუთარ გვერდზე განაცხადა.

„მადლობას ვუხდი ქრისტესმიერ მამებს, ძმებსა და დებს, რომლებიც ლოცულობდნენ და ზრუნავდნენ ჩვენს სწრაფ გამოჯანმრთელებაზე. ღმერთმა განკურნოს ყველა ავადმყოფი და გააძლიეროს ყველა, ვინც მათ კურნავს, ყველას მშვიდობა და სიხარული მიანიჭოს სულიწმიდამ, შევიკრიბოთ ბერი საბას ეკლესიაში მისი წმიდა ხსენების დღეს, 27 იანვარს, საზეიმოდ პატივი მივაგოთ ჩვენს პირველ მთავარეპისკოპოსს და განმანათლებელს“, - წერს სერბეთის ეკლესიის წინამძღვარი.

მანამდე პატრიარქმა პორფირიმ განაცხადა, რომ ზიარების დროს ვირუსი არ გადადის.