რმე იმედოვნებს, რომ კონსტანტინოპოლი მონოლოგიდან დიალოგზე გადავა

ვოლოკოლამის მიტროპოლიტი ილარიონი. ფოტო: pravoslavie.ru

რუსეთის მართლმადიდებლური ეკლესია იმედოვნებს, რომ კონსტანტინოპოლი მონოლოგიდან დიალოგზე გადავა - ეს არის ერთადერთი გზა "მართლმადიდებლთაშორისი პრობლემების" გადასაჭრელად. ამის შესახებ ჟურნალისტებს მოსკოვის საპატრიარქოს საგარეო საეკლესიო ურთიერთობის განყოფილების ხელმძღვანელმა, ვოლოკოლამის მიტროპოლიტმა ილარიონმა (ალფეევი) განაცხადა, იუწყება რია ნოვოსტი.

„ვფიქრობ, რომ მართლმადიდებლთაშორისი პრობლემების გადაწყვეტა დიალოგის ასპარეზზეა... ვიმედოვნებთ, რომ ადრე თუ გვიან  ინტელექტი გაიმარჯვებს, რომ კონსტანტინოპოლის საპატრიარქო მონოლოგიდან დიალოგზე გადავა, შესაძლებელი იქნება წარმოქმნილი პრობლემების მართლმადიდებლურ დონეზე  განხილვა, მაშინ შესაძლებელია გონებამ მოიძიოს რაიმე გამოსავალი, როგორც ეს არაერთხელ მოხდა ეკლესიის ისტორიაში“, - განაცხადა მიტროპოლიტმა. 

რუსეთის მართლმადიდებელი ეკლესიის იერარქმა ხაზგასმით აღნიშნა, რომ ეკლესიების წინამძღვრები უნდა შეხვდნენ ერთმანეთს და პრობლემები განიხილონ. სიტუაციას, როდესაც "ერთი ყველას ნაცვლად წყვეტს ყველაფერს" და ამბობს, რომ მას აქვს მოციქულებისგან მიღებული განსაკუთრებული პრივილეგიები, მიტროპოლიტმა ილარიონმა "სიგიჟე" უწოდა.

„ჩვენ არ ვაპირებთ ამ ლოგიკით მოქმედებას, ჩვენ გავაგრძელებთ მსახურებას, რასაც ვასრულებთ და თუ ჩვენ მოგვმართავენ მღვდლები ან მღვდელმსახურები იმ ეკლესიებიდან, რომლებიც სქიზმასთან ასოცირდება, ჩვენ არ გვაქვს უფლება უარვყოთ ისინი , ეს არის ჩვენი ლოგიკა. , - აღნიშნა მიტროპოლიტმა.

მანამდე მჟკ წერდა, რომ რმე აღიარებდა მსოფლიო მართლმადიდებლობის დაყოფის ფაქტს.