ცნობილი გახდა იმ ძირითად ინიციატორთა სახელები, ვინც სტოროჟინცაში უმე-ს ტაძრები მიიტაცა

მეუ-ს წარმომადგენლები სტოროჟინეცში გამართულ მიტინგზე. ფოტო: скриншот с Facebook Грищука

ჩერნოვიცკის ოლქის სტოროჟინეცის რაიონის უკრაინის მართლმადიდებელი ეკლესიის წარმომადგენლებმა თხოვნით მიმართეს სახელმწიფო და დიპლომატიურ ინსტიტუტებს, რომ დაიცვან მათი უფლებების უკანონო ხელყოფა.

ღია წერილში, რომელსაც ხელს აწერს დეკანოზი ვასილ კოვალჩუკი და სტოროჟინეცის სამრევლოს სამღვდელოება, დეტალურად აღწერილია უმე-ს ტაძრების მიტაცების გეგმები, აგრეთვე დასახელებულია ის პირები, რომლებიც მონაწილეობას იღებენ მორწმუნეებზე ზეწოლის ორგანიზებაში. მღვდელმსახურთა სიტყვებით, ზეწოლის აქციებს კოორდინირებას უწევენ მეუ-ს წარმომადგენლები რომან გრიშჩუკი, იოანე შიპორი, პეტრე ანდრიიჩუკი და მიხეილ სმოლიაკი, რომლებიც „აღვივებენ რელიგიურ შუღლს“ და ცდილობენ ჩამოართვან უმე-ს მორწმუნეებს   თავიანთ ტაძრებში ლოცვის უფლება.

განსაკუთრებით  ნიშანდობლივია  სახელმწიფო სტრუქტურების ჩართვა. ალექსანდრე ვოიცეხოვსკის, სტოროჟინეცის საავადმყოფოს მთავარი ექიმს, მის  მოადგილეს ვასილ პალს ადანაშაულებენ  თანამშრომლებზე ძალადობაში, რომ მათ მხარი დაუჭირონ ეკლესიების გადასვლას მეუ-ს იურისდიქციაში. თანამშრომლებს, უარის შემთხვევაში,  სამსახურიდან დათხოვნით ემუქრებიან, რაც მათი შრომითი უფლებებისა და სინდისის თავისუფლების დარღვევაა.  

მიმართვაში ხაზგასმულია, რომ აგრესორები მოქმედებენ სამართალდამცავი ორგანოების დუმილის თანხლებით, რომელიც თანხმობის ნიშანია.

დოკუმენტში აგრეთვე ნათქვამია, რომ მეუ-ს აქტივისტები, მუქარისა და მანიპულაციების გამოყენებით,  მასიურად აგროვებენ ხელმოწერებს  სამრევლოთა “გადასვლის” პეტიციაზე.

უმე-ს სამღვდელოება თხოვს აშშ-ს, რუმინეთის დიპლომატებს და უკრაინის ხელისუფლებას, რომ ჩაერიონ სიტუაციაში და შეაჩერონ რელიგიური რეპრესიები. “ჩვენ გვსურს ლოცვა მშობლიურ ენაზე და ჩვენი სიწმინდეების დაცვა”, - ამ სიტყვებით სრულდება მიმართვის ტექსტი.

მანამდე მჟკ წერდა, რომ უმე-ს რუმინულენოვანმა მორწმუნეებმა განაცხადეს, რომ მათ რელიგიური რეპრესიები ემუქრება.