ოთხი სისხლის სამართლის საქმე აღიძრა უმე-ის მორწმუნეების წინააღმდეგ ჩერკასის ინციდენტის გამო

ჩერკასში უმე-ის ტაძრის დარბევა. 2024 წლის 17 ოქტომბერი ფოტო: religionnews

ჩერკასში პოლიციამ უკრაინის მართლმადიდებლური ეკლესიის მთავარანგელოზ მიქაელის საკათედრო ტაძრის ოთხ დამცველს საეჭვო ცნობები გადასცა. მათ შორის არის ორი საერო და ორი სასულიერო პირი. მათ ბრალად ედებათ უკრაინის სისხლის სამართლის კოდექსის 296 მუხლის დარღვევა – ხულიგნობა, იუწყება ტელეგრამის არხი ,,პერში კაზაცკი''.

პოლიციამ ასევე აღძრა სისხლის სამართლის საქმე მართა და მარიამის სახელობის დედათა საზოგადოების რწმუნებულის, მამა ალექსანდრე სმიკის წინააღმდეგ, ხოლო მამა რომან გორკავენკოს საქმე უკვე სასამართლოშია გადაცემული. ”მას აშკარად ადანაშაულებენ წიწაკის სპრეის გამოყენებაში მეუ-ს მიერ დაქირავებული ბოევიკების წინააღმდეგ, რომლებიც შეიჭრნენ უმე-ის მთავარანგელოზი მიქაელის ტაძარში”, - აღნიშნავენ ჟურნალისტები.

არსებული ინფორმაციით, საგამოძიებო მოქმედებები დაჩქარებული ტემპით მიმდინარეობს.

როგორც მჟკ-ში იუწყებიან, მიტროპოლიტმა თეოდოსიმ მოუწოდა უსაფრთხოების ძალებს არ მიიღონ მონაწილეობა ეკლესიის დევნაში.