2025 წელს უკრაინული აფთიაქები კანაფის შემცველი პრეპარატების გაყიდვას დაიწყებენ

კანაფზე დამზადებული პრეპარატი. ფოტო: news.telegraf.com.uа

უკრაინაში პირველად სამედიცინო კანაფის საფუძველზე შექმნილი აქტიური ფარმაცევტული პრეპარატი ოფიციალურად დარეგისტრირდა, იუწყება News.telegraf.

საუბარია ესპანური მწარმოებლის Curaleaf-ის ორალურ წვეთებზე. როგორც სამედიცინო კანაფის ასოციაცია აზუსტებს, პრეპარატი უკრაინის აფთიაქების დახლებზე უახლოეს თვეებში გამოჩნდება.

შეგახსენებთ, რომ ადრე უკრაინის უმაღლესმა რადამ სამედიცინო კანაფის მოხმარება დააკანონა. კანონის მიხედვით, ასეთი პრეპარატები არ შეიცავს ფსიქოაქტიურ ნივთიერებებს და შეიძლება გამოყენებულ იქნას სხვადასხვა დაავადების სამკურნალოდ.

ამ პრეპარატის რეგისტრაცია გახდა მნიშვნელოვანი ნაბიჯი უკრაინაში მკურნალობის ინოვაციური მეთოდების დანერგვისა და ფარმაცევტული ბაზრის განვითარებისთვის.

ადრე მჟკ წერდა, რომ უმაღლესმა რადამ კანაფის ლეგალიზება მოახდინა.