ტაძრის გარეშე დარჩენილმა თემმა ვოლინში აღნიშნა საეკლესიო დღესასწაული

უმე-ს დევნილი თემის საეკლესიო დღესასწაული სოფელ დოროსინში. ფოტო: pravoslavna.volyn.ua

2021 წლის 31 ოქტომბერს, წმინდა მოციქულისა და მახარებლის ლუკას ხსენების დღეს, ვოლინის ოლქის სოფელ დოროსინის უმე-ს დევნილმა თემმა აღნიშნა საეკლესიო დღესასწაული, იუწყება ვოლინის ეპარქიის პრეს-სამსახური.

ვოლინისა და ლუცკის არქიეპისკოპოს ნათანაილის ლოცვა-კურთხევით უმე-ს თემის „საეკლესიო სახლში“ ჩაატარეს ღვთისმსახურება.

ღვთისმსახურებაზე აღავლინეს გაძლიერებული ლოცვა უკრაინაში მშვიდობისა და მსოფლიო მართლმადიდებლობაში ერთიანობისთვის. ასევე ილოცეს კორონავირუსის ინფექციის სწრაფი დამარცხებისა და სამედიცინო მუშაკების ჯანმრთელობისთვის.

წირვის შემდგომ მღვდელმსახურებმა და მორწმუნეებმა გამართეს ტრადიციული მსვლელობა ჯვრით, რომლის შემდეგ ყველას ასხურეს ნაკურთხი წყალი.

სამრევლოს წინამძღვარმა დეკანოზმა ანატოლი დემიანჩუკმა მადლობა გადაუხადა სასულიერო პირებს, სამრევლოს და დღესასწაულის სტუმრებს.

შეგახსენებთ, წმინდა მოციქულ ლუკას სახელობის  ძველებური ტაძარი სოფელ დოროსინში გადავიდა მეუ-ს მომხრეთა ხელში ტერიტორიული თემის კრების შემდეგ, რომელიც ჩატარდა 2019 წლის 17 თებერვალს. უმე-ს სამრევლომ წინამძღვრის მეთაურობით ღვთისმსახურებისთვის მოაწყვეს კერძო სახლი, რომელშიც  დღემდე იკრიბებიან სალოცავად.