პარიზში ხუთწლიანი რესტავრაციის შემდეგ ნოტრ-დამ-დე-პარი გაიხსნა

ნოტრ-დამი. ფოტო: DW

2024 წლის 7 დეკემბერს ხუთწლიანი მაშტაბური რესტავრაციის შემდეგ პარიზში გაიხსნა პარიზის ღვთისმშობლის ტაძარი (ნოტრ-დამი), რომელსაც 2019 წლის აპრილში დამანგრეველი ხანძარი გაუჩნდა, იუწყება Francetvinfo.

საზეიმო გახსნას დაესწრო 40-ზე მეტი სახელმწიფოსა და მთავრობის ხელმძღვანელები, რომელთა შორის იყვნენ: აშშ-ს არჩეული პრეზიდენტი დონალდ ტრამპი, მისი თანამებრძოლი ილონ მასკი, პრინცი უილიამი, უკრაინის პრეზიდენტი ვლადიმერ ზელენსკი და სხვები. მოწვეულები იყვნენ აგრეთვე მსხვილი მეცენატები, რომლებმაც მნიშვნელოვანი თანხები გაიღეს ტაძრის აღსადგენად, რელიგიური მოღვაწეები, მსახიობები, შოუ-ბიზნესის წარმომადგენლები და სხვები.

გახსნის ცერემონია გააშუქებული იყო მსოფლიოს 20-ზე მეტი ქვეყნის ტელეარხების მიერ, ხანძრის შემდგომი პერიოდის მოვლენების ამსახველი ფილმის ჩვენების, ლუი არაგონის ლექსების კითხვის  და ძმები კაპიუსონების მუსიკალური გამოსვლების ჩათვლით. უამინდობის გამო პროგრამის ნაწილი ტაძრის შიგნით იყო გადატანილი. 

პარიზის არქიეპისკოპოსმა  ლორან იულრიშმა სიმბოლურად დააკაკუნა თავისი კვერთხით ნოტრ-დამის კარზე, სანამ ის მორწმუნეთათვის გაიხსნებოდა. მაშველებს და მშენებლებს, რომლებიც ცეცხლთან ბრძოლაში და ტაძრის აღდგენაში მონაწილეობდნენ, ფეხზემდგომი ხალხი ოვაციებით შეხვდა.

მანამდე მჟკ წერდა, თუ რატომ დაიწვა პარიზის ღვთისმშობლის ტაძარი.