რმე-ს სინოდმა დაგმო ფანარიონის მეთაურის კიევში ვიზიტი

რუსეთის მართლმადიდებელი ეკლესიის წმინდა სინოდი. ფოტო: patriarchia.ru

რუსეთის მართლმადიდებელი ეკლესიის წმინდა სინოდმა დაგმო კონსტანტინოპოლის პატრიარქ ბართლომეს ვიზიტი უკრაინაში და უწოდა მას კანონების უხეში დარღვევა. ამის შესახებ ლაპარაკია სინოდის გადაწყვეტილებაში (ჟურნალი № 60), რომელიც გამოქვეყნებულია საიტზე «Патриархия.ru».

სინოდმა დაადგინა, რომ ფანარიონის მეთაურისა და მისი თანმხლები პირების კიევში ვიზიტი მოსკოვისა და სრულიად რუსეთის პატრიარქის, კიევისა და სრულიად უკრაინის მიტროპოლიტ ონოფრესა და უკრაინის მართლმადიდებელი ეკლესიის იერარქების მოწვევის გარეშე კანონების უხეშ დარღვევას წარმოადგენს, კერძოდ, სარდიკიის კრების მე-3 კანონისა და ანტიოქიის კრების მე-13 კანონის.

რმე-ს სინოდმა აგრეთვე დაგმო „კონსტანტინოპოლის პატრიარქის ანტიკანონიკური ქმედებები, რომლებიც ახლაც გრძელდება და მართლმადიდებლობის ერთობის ნგრევაზეა მიმართული“ და აღნიშნა „პატრიარქ ბართლომეს შემდგარი ვიზიტის მკვეთრად გამოხატული პოლიტიკური ხასიათი და დამოკიდებულება ეკლესიის  გარე ძალებზე“.

შეგახსენებთ, რომ რმე-ს წმინდა სინოდი ჩატარდა მოსკოვში 2021 წლის 23-24 სექტემბერს.