რმე-ში ჩაატარებენ კონფერენციას ეკლესიის ერთობისა და პირველობის საკითხში

მაცხოვრის საკატედრო ტაძარი მოსკოვში, სადაც ჩატარდება კონფერენცია. ფოტო: planetofhotels.com

16 სექტემბერს მოსკოვის მაცხოვრის საკათედრო ტაძრის სერგიევის დარბაზში ჩატარდება კონფერენცია "მსოფლიო მართლმადიდებლობა: პირველობა და ერთიანობა მართლმადიდებლური სწავლების შუქზე", იუწყებიან რმე-ს ოფიციალურ საიტზე.

ფორუმის ორგანიზატორებად და პარტნიორებად გამოვიდნენ სინოდის საღვთისმეტყველო სწავლების  კომისია, მოსკოვის საპატრიარქოს საგარეო-საეკლესიო ურთიერთობების განყოფილება,წმინდა კირილისა და მეფოდის სახელობის  საერთო საეკლესიო ასპირანტურა და დოქტორანტურა.

ფორუმის ინიციატორები ამბობენ, რომ მისი მიზანია შეიქმნას საღვთისმეტყველო განხილვების სადისკუსიო სივრცე  ისეთ საკითხებზე, რომლებსაც შეხება აქვთ ეკლესიის ბუნებასთან და მოწყობასთან: პირველობა, ეკლესიური ერთიანობა, ავტოკეფალიის მინიჭების თანმიმდევრობა. ფორუმის მონაწილეებს შორის არიან არამარტო რმე-ს წარმომადგენლები, არამედ უკრაინის მართლმადიდებელი ეკლესიის იერარქები და კლირიკები, ასევე სტუმრები ადგილობრივი მართლმადიდებელი ეკლესიებიდან.

კონფერენციას გახსნის უწმინდესი პატრიარქი კირილი, ხოლო პლენარული მოხსენებით გამოვა მოსკოვის საპატრიარქოს საგარეო-საეკლესიო ურთიერთობათა განყოფილების თავჯდომარე, ვოლოკამსკის მიტროპოლიტი ილარიონი.

წამოჭრილ თემას  პლენარულ სხდომებზე განიხილავენ ორი დღე, 16 და 17 სექტემბერს. კონფერენციის ჩატარების შედეგებით იგეგმება მისი მონაწილეების მოხსენებების კრებულის გამოცემა რუსულ ენაზე.

როგორც მჟკ იუწყებოდა, უმე-ს საქმეთა მმართველმა განმარტა განსხვავება  ეკლესიის პირველობის გაგებაში   ფანარიონსა და რმე-ს შორის.