რკე-ის ეპისკოპოსის აზრით პაპის სიტყვები, რომ ყველა რელიგია ღმერთთან მიდის: არის ერესი

რომის პაპი სინგაპურში. ფოტო: vaticannews.va

კათოლიკე ეპისკოპოსი ჯოზეფ სტრიკლენდი თვლის, რომ რომის პაპ ფრანცისკეს სიტყვები, რომ ყველა რელიგია ღმერთისკენ მიდის, უნდა იქნას განმარტებული, როგორც ერესი.

რამდენიმე საათის შემდეგ, რაც რომის პაპმა ფრანცისკემ სინგაპურში გამოსვლისას განაცხადა, რომ „ყველა რელიგია არის გზა ღმერთისკენ“, რკე-ის ეპისკოპოსმა სტრიკლენდმა ტვიტერზე დაწერა, რომ „ერთადერთი გზა მამა ღმერთისკენ არის მისი ძე იესო ქრისტეს მეშვეობით“.

„ამის უარყოფა ნიშნავს კათოლიკური რწმენის უარყოფას, ამას ჰქვია ერესი“, - ხაზგასმით აღნიშნა რკე-ის იერარქმა და თავის პოსტს დაურთო რწმენის დოქტრინის ვატიკანის დიკასტერიის მიერ გაცემული დოკუმენტის ბმული, რომ მხოლოდ უფალი იესოა მხსნელი.

ადრე მჟკ წერდა, რომ პაპის თქმით, მსოფლიო რელიგიები „სხვადასხვა ენებს ჰგავს ღმერთთან მისასვლელად, მაგრამ ღმერთი არის ღმერთი ყველასთვის“ და „ვინაიდან ღმერთი ყველასთვის ღმერთია, მაშინ ჩვენ ყველანი ღვთის შვილები ვართ.”