მეუ-ში განაცხადეს, რომ ფანარს სხვა ადგილობრივ ეკლესიებზე ძალაუფლება არ აქვს

სერგეი დუმენკო და პატრიარქი ბართლომე. ფოტო: ПЦУ

პატრიარქ ბართლომეს ჩამოსვლისთვის უკრაინაში მართლმადიდებელი ეკლესიის ოფიციალურ ფეისბუქ გვერდზე გამოაქვეყნეს ტექსტი სათაურით „ვინ არის მსოფლიო პატრიარქი?“.

მასში ნათქვამია, რომ პატრიარქმა ბართლომემ „ძალა არ დაიშურა მთელ მსოფლიოში კათოლიკებს, მუსულმანებს, იუდეველებს და მართლმადიდებლებს შორის ურთიერთობის გასაუმჯობესებლად“.

უკრაინაში მართლმადიდებელი ეკლესიაში აგრეთვე ამტკიცებენ, რომ ტიტულაცია „მსოფლიო“ „არის ბიზანტიის იმპერიის ისტორიული გადმონაშთი, რომლის საზღვრები გაიგივებულია „ცივილიზებული სამყაროს“ საზღვრებთან“. თუმცა, როგორც უკრაინაში მართლმადიდებელ  ეკლესიაში აცხადებენ, „ასეთი ტიტული არ ნიშნავს, რომ კონსტანტინოპოლს აქვს ძალაუფლება სხვა ადგილობრივ ეკლესიებზე“, რომელთა რიცხვს სერგეი დუმენკო მათ სტრუქტურასაც მიაკუთვნებს.

შეგახსენებთ, ტომოსის ფორმულირებები, რომლებიც ფანარმა უკრაინაში მართლმადიდებელ ეკლესიას წარუდგინა, კონსტანტონოპოლის საპატრიარქოსადმი აშკარა დამორჩილებას ითვალისწინებენ. კერძოდ, ტექსტში ნათქვამია, რომ:

• უკრაინაში მართლმადიდებელი ეკლესიის მეთაურის ტიტულაციაში „დაუშვებელია რამის დამატება ან მოშორება მისი ტიტულიდან კონსტანტინოპოლის ეკლესიის ნებართვის გარეშე“;
• უკრაინაში მართლმადიდებელ ეკლესიას „არ შეუძლია ეპისკოპოსების დანიშვნა ან სამრევლოების დაარსება სახელმწიფოს ფარგლებს გარეთ; უკვე არსებულები ამიერიდან ემორჩილებიან, თანახმად წესისა, მსოფლიო ტახტს“;
•  „უკრაინის ავტოკეფალური ეკლესია აღიარებს მეთაურად სამოციქულო და საპატრიარქო მსოფლიო ტახტს“;
• უკრაინაში მართლმადიდებელი ეკლესიის წესდება ავალდებულებს, რომ  „ შეესაბამებოდეს  საპატრიარქო და სინოდალური ტომოსის დებულებებს“;
•  „საეკლესიო, დოგმატური და კანონიკური ხასიათის მნიშვნელოვანი საკითხების გადასაწყვეტად“ უკრაინაში მართლმადიდებელი ეკლესიის მეთაურმა „უნდა მიმართოს უწმინდეს და მსოფლიო საპატრიარქო ტახტს მისი ავტორიტეტული აზრისა და მტკიცე ურთიერთგაგების თხოვნით“;
•  „მსოფლიო ტახტის უფლება უკრაინაში ეკზარქატზე და წმინდა სტავროპიგიები არ იზღუდება“.