სერბეთის პატრიარქი -უმე-ს წინამძღოლს:თქვენ ეკლესიის ერთიანობის სიმბოლო ხართ

პატრიარქი პორფირი.ფოტო: ria.ru

2021 წლის 28 ივლისს, წმინდა კეთილმორწმუნე მთავრის ვლადიმირის ხსენებისა და კიევის რუსეთის მართლმადიდებლობის დღეს, სერბეთის პატრიარქმა პორფირემ უმე-ს წინამძღოლს, კიევისა და სრულიად უკრაინის უნეტარეს მიტროპოლიტს უწოდა „ეკლესიის ერთიანობის სიმბოლო“.

სერბეთის პატრიარქის პორფირეს მიმართვა წაკითხული იყო მისი ვიკარიუსის, ტოპლიჩის ეპისკოპოს იეროფორის (პეტროვიჩი) მიერ საღვთო ლიტურგიის დასრულებისას, რომელიც შედგა კიევ-პეჩორის ლავრაში მიძინების ტაძრის წინ, მოედანზე.

სერბეთის ეკლესიის წინამძღოლმა, უმე-ს მორწმუნეებისადმი, მთავარი ვლადიმირის ხსენების დღესთან დაკავშირებით მილოცვის დროს განაცხადა, რომ უნეტარესი მიტროპოლიტი ონუფრის პიროვნება არის ეკლესიის ერთიანობის სიმბოლო.

„თქვენი პიროვნება, ჩვენო ძვირფასო უკრაინელო თანამოძმეო, რომელიც მყარად მართავს უკრაინის ეკლესიის ხომალდს, ამ ძალიან რთულ პერიოდში გახდა მართლმადიდებელი ეკლესიის ერთგულებისა და ერთიანობის სიმბოლო ცდუნებისადმი თამამ დაპირისპირებაში“.

პატრიარქმა პორფირემ მიტროპოლიტი ონუფრი შეადარა მთავარ ვლადიმირს, განაცხადა, რომ „კანონიკური წესრიგისა და მართლმადიდებელ ეკლესიასთან ერთიანობისადმი ერთგულად დარჩენისას, ჩვენ გავიმეორეთ წმინდა მთავარ ვლადიმირის არჩეავანი“.

„ამდენად, თქვენ თქვენს მღვდელმთავრებთან, სამღვდელოებასთან, ბერ-მონაზვნებთან და ხალხთან ერთად გახდით მაგალითი, რომელიც ცნობილია ჩვენს კეთილმორწმუნე სერბ ხალხშიც“, - ხაზი გაუსვა სერბეთის მართლმადიდებელი ეკლესიის წინამძღოლმა.

ადრე მჟკ წერდა, რომ რემესიანის ეპისკოპოსმა სტეფანემ უმე-ს მორწმუნეებს მიულოცა წმინდა მთავარ ვლადიმირის ხსენების დღე და გადასცა მისალმება სერბეთის პატრიარქ პორფირესგან.