უმე რჩება უმსხვილეს კონფესიად უკრაინაში

უმე-ს ჯვაროსნული მსვლელობა. ფოტო: news.church.ua

უკრაინის მართლმადიდებელი ეკლესია რჩება უმსხვილეს კონფესიად უკრაინაში და 01. 01. 2021წ. მდგომარეობით ითვლის 12 406 რელიგიურ ორგანიზაციას თავის შემადგენლობაში. შესაბამისი აგნარიში წარმოადგინა უკრაინის ეთნოპოლიტიკისა და სინდისის თავისუფლების სახელმწიფო სამსახურმა.

2021 წლის 1 იანვრის მდგომარეობით, უკრაინაში რეგისტრირებულია 37 049 რელიგიური თემი, რომელთაგან მესამედი უმე-ს განეკუთვნება.

მეუ-ში რელიგიური თემი თითქმის ორჯერ ნაკლებია - 7 188, რომელთაგან 457 არაა მოქმედი. ანგარიშში არაა მითითებული, რომ მრევლის მნიშვნელოვანი ნაწილი ამ დრომდე იურიდიულად უმე (კ)-სა და უამე-ს შემადგენლობაში რჩება.

სიდიდით მესამე  - უკრაინის ბერძნულ-კათოლიკური ეკლესია 3 670 რელიგიურ თემს ითვლის.

გარდა ამისა, უკრაინაში რეგისტრირებულია 215 მონასტერი, რომელიც უკრაინის მართლმადიდებელ ეკლესიას ეკუთვნის (საერთო რაოდენობის 40%), რომელშიც 4 681 ბერი და მონაზონია (მთელი ბერ-მონაზვნების 70%). მეუ-ში - 79 მონასტერი, რომელთა უკანაც არის 233 ბერი.

ანგარიშში ასევე აღნიშნულია, რომ უმე-ში : 10 510 მღვდელმსახურია; 18 სასულიერო სასწავლო დაწესებულება, რომლებშიც სტაციონარში სწავლობს 1 479 სტუდენტი, ხოლო დაუსწრებელი ფორმით - 2 454. უკრაინის მართლმადიდებელ ეკლესიას თავის შემადგენლობაში გააჩნია 4 085 საკვირაო სკოლა და ერთი საგანმანათლებლო სკოლა.

ესთს-ს მონაცემებით, უმე-ში 2021 წლის დასაწყისისთვის მუშაობდა 135 მასობრივი ინფორმაციის საშუალება, რომელთაგან 86 არის ბეჭდური, 7 - აუდიოვიზუალური, 43- ელექტრონული.

ადრე, უმე-ში რეაგირება მოახდინეს მორწმუნეთა უფლებების გაგრძელებულ დარღვევებზე და განმარტეს ეკლესიის პოზიცია რიგ პრობლემებზე, რომელთა განხილვაც ხდება საერთაშორისო-სამართლებრივ და ნაციონალურ დონეზე.