აშშ-ში ფანარიონის არქისაეპისკოპოსოს ხელმძღვანელმა მოუწოდა, რომ ხორას ტაძარი მეჩეთად არ გადააქციონ

არქიეპისკოპოსი ელპიდოფორე. ფოტო: kathimerini.gr

კონსტანტინოპოლის საპატრიარქოს ამერიკული არქისაეპისკოპოსოს ხელმძღვანელმა არქიეპისკოპოსმა ელპიდოფორემ (ლამბრინიადისი) თურქეთს მოუწოდა, რომ არ გადააკეთონ ცნობილი ბიზანტიური ხორას მონასტერი მეჩეთად.

მისი აზრით, თურქეთის ხელისუფლების ასეთი ნაბიჯი დანაკლისია არა მარტო მართლმადიდებლებისთვის, არამედ ყველა მორწმუნესთვის, იუწყება Orthodox Times.

თავის მიმართვაში ელპიდოფორემ გაიხსენა აგრეთვე წმინდა სოფიოს ტაძრის, როგორც მუსულმანური მეჩეთის გახსნა.

„დაპყრობის უფლების“ ლოგიკა“, რომელსაც ეფუძნება წმინდა სოფიოს ტაძრის ეს და წინა გადაკეთება ნიშნავს ცივილიზაციის რეგრესს შუასაუკუნოვან სტანდარტებამდე,“ - აღნიშნა არქიეპისკოპოსმა ელპიდოფორემ.

დაპყრობილ ძეგლებში ლოცვას  მან  მორწმუნეთა რელიგიური გრძნობების დაცინვა უწოდა.

არქიეპისკოპოსმა ხაზი გაუსვა, რომ „მართლმადიდებლობის მსოფლიო ცენტრი - მსოფლიო საპატრიარქო - სტამბულში მდებარეობს“, თურქეთს კი შესაბამისად საკითხის სერიუზულობა უნდა ესმოდეს.

ელპიდოფორეს სიტყვებით, თურქეთის მთავრობის პოზიციას ამ საკითხთან დაკავშირებით პრინციპულად დიდი მნიშვნელობა აქვს, რადგან ეს გადაწყვეტილება ეწინააღმდეგება ეკლესიის სახელმწიფოსგან გამოყოფის პრინციპს და ამით შეიძლება რელიგიური უფლებები და თავისუფლება შეილახოს.

როგორც მჟკ იუწყებოდა, 2024 წლის 6 მაისს ძველ ბიზანტიურ მართლმადიდებლურ ხორას მონასტერში სტამბულში, თურქეთი, ჩატარდა პირველი ისლამური ლოცვა.