ქსელში ყვებოდნენ მეუ ეპისკოპოსის მიერ ჩმ-სა და სმე-ს ობიექტების მიტაცებაზე

შუმპერსკის ეპისკოპოსი ისაია (მარცხნივ). ფოტო: pomisna.info

ჩეხეთში შექმნილი კონსტანტინოპოლის საპატრიარქოს სტრუქტურის კლირიკოსი, ჩეხეთის მიწებისა და სლოვაკეთის მართლმადიდებელი ეკლესიის ბრნენსკის ეპარქიის ქორ-ეპისკოპოსი, შუმპერსკის ეპისკოპოსი ესაია (სლანინკა) უკანონოდ ფლობს საეკლესიო საკუთრებას ქალაქ მოსტში. ამის შესახებ იუწყება რესურსი ikonapress.info.

ჩეხი ეპისკოპოსი, ცნობილი იმით, რომ 2019 წელს ჩეხეთის მიწებისა და სლოვაკეთის მართლმადიდებელი ეკლესიის წინამძღვრის აკრძალვის მიუხედავად იმსახურა უკრაინაში მართლმადიდებელ ეკლესიაში, რამდენიმე წელია საკუთარი მიზნებისთვის იყენებს საეკლესიო სახლს მოსტში, რომელიც ეკუთვნის ჩეხეთის მიწებისა და სლოვაკეთის მართლმადიდებელი ეკლესიის პრაღის ეპარქიის ადგილობრივ სამრევლოს და უარს ამბობს მისი კანონიერი მფლობელისთვის გადაცემაზე.

„პრაღის ეპარქიის თანამშრომელთა და მოსტის მართლმადიდებელი ეკლესიის მრევლის წარმომადგენელთა ვიზიტის დროს, რომლის მიზანი  მშვიდობიანი მოლაპარაკება იყო, მათ უხეშად და ვულგარულად აყენებდნენ შეურაცხყოფას, ხოლო მეუფე ესაიასგან და მისი თანამშრომლებისგან მუქარაც კი ისმოდა, - იუწყება რესურსი. - მეუფე ესაიას განცხადება, რომ ეს არის „ოლომოუცკო-ბრნენსკის ეპარქიის არქიეპისკოპოსის სასახლე“, სრულიად უსაფუძვლოა. ცალსახად ლაპარაკია  მოსტში ეკლესიის მრევლის საკუთრების შესახებ და მის თვითნებურ მითვისებაზე. მეუფე ესაიამ უარი თქვა გასვლაზე ოფიციალური ორდერის წარდგენის შემდეგაც და, დოკუმენტების თანახმად, რომლებიც ეპარქიის მმართველობამ მიიღო პრაღაში, 2014 წლის 12 ივლისიდან იქ უკანონოდ იმყოფება. არც ერთი გონივრული საფუძველი არ არის იმისთვის, რომ ოლომოუცკო-ბრნენსკის ეპარქიამ გამოიყენოს „არქიეპისკოპოსის სასახლე“ სხვა ეპარქიაში“.

მასალის ავტორებმა დაადასტურეს, რომ შუმპერსკის ეპისკოპოსს ესაიას საკმარისად აქვს ადგილები, სადაც მას შეუძლია იმყოფებოდეს: გარდა ტაძრისა და მასთან მიმდებარე ნაგებობებისა შუმპერკაში, მის მფლობელობაში  არის ოლომოუცკო-ბრნენსკის ეპარქიის რეზიდენცია, სამრევლო სახლი ბრნოში, მონასტერი ვილემოვოში, აგრეთვე მან „თანდათან გადმოიფორმა, როგორც მმართველობის ოფიციალურ ორგანოზე,  საეკლესიო სამრევლოს ბევრი საკუთრება მორავიაში“.

მაგრამ ზოგიერთი ამ ობიექტის გადაცემა შუმპერსკის ეპისკოპოსისადმი, რომელიც წარმოადგენს „ასოციაციას: ღვთისმშობლის მიძინების სტავროპიგიის წმინდა საპატრიარქო მონასტერი“ და კონსტანტინოპოლის საპატრიარქოს ექვემდებარება, იყო „საკმაოდ საეჭვო“ და თან ახლდა ტყუილი და ინტრიგები, აღნიშნავს რესურსი. და რომ არ ყოფილიყო  პრაღისა და ჩეხეთის მიწების არქიეპისკოპოს მიქაელის წინააღმდეგობა, „საეკლესიო საკუთრება უბრალოდ გატანილი იქნებოდა ეკლესიიდან“ პარალელურად მოქმედი სტრუქტურის სასარგებლოდ. კერძოდ, ლაპარაკია მონასტრებზე ვილემოვში და მორავიაში.

შეგახსენებთ, რომ 2019 წელს ჩეხეთში კონსტანტინოპოლის საპატრიარქოს სტრუქტურის კლირიკოსმა, ეპისკოპოსმა ესაიამ (სლანინკა) იმსახურა ეპიფანე დუმენკოსთან და უკრაინაში მართლმადიდებელი ეკლესიის „იერარქებთან“ ერთად წმინდა მიქაელის ტაძარში, ჩეხეთის მიწებისა და სლოვაკეთის მართლმადიდებელი ეკლესიის წინამძღვრის აკრძალვის მიუხედავად.

მართლმადიდებელ ჟურნალისტთა კავშირი აგრეთვე წერდა, რომ დუმენკოსთან ერთად მსახურებაში მყოფი ჩეხეთის მიწებისა და სლოვაკეთის მართლმადიდებელი ეკლესიის ეპისკოპოსი  ბრნოში სამრევლოს  მიტაცებას ცდილობს.