გერმანელი პროტესტანტი ღვთისმეტყველები უმე-ს სსკგ-ის უფროსის მოადგილის დასაცავად გამოვიდნენ

დაგმარ ჰელერი და კარლ-ვილჰელმ ნიბური. ფოტო: ОВЦС

საგარეო საეკლესიო კავშირების სინოდალური განყოფილების მისამართზე ორი წერილი მოვიდა განყოფილების გამგის მოადგილის დეკანოზ ნიკოლოზ დანილევიჩის დასაცავად უკრაინაში მისი სისხლისსამართლებრივი დევნის გამო. უმე-ს სპიკერის მხარდაჭერა გამოხატეს კონფესიათა შესწავლის ინსტიტუტის ხელმძღვანელმა, მართლმადიდებლობის შესწავლის სამეცნიერო რეფერენტმა, დოქტორმა დაგმარ ჰელერმა (ქალაქი ბენსჰაიმი) და ფრიდრიხ შილერის სახ. იენის უნივერსიტეტის  საღვთისმეტყველო ფაკულტეტის პროფესორმა, დოქტორმა კარლ-ვილჰელმ ნიბურმა.

დოქტორმა დაგმარ ჰელერმა განაცხადა, რომ მას დანილევიჩისადმი წაყენებული ბრალდებები სასაცილო და გამოგონილი ჰგონია. მან აღნიშნა, რომ არასდროს სმენია არანაირი პრორუსული პროპაგანდა გერმანიის უმე-ს გაერთიანებებში, რომლებიც მამა ნიკოლოზის მონაწილეობით იყო შექმნილი. ამ გაერთიანებებში ომი ყოველთვის დაგმობილი იყო. იგივე, ხაზი გაუსვა ჰელერმა, ეხება თვით სსკგ-ის უფროსის მოადგილის პირად პოზიციასაც.

„ის ან მისი სამრევლოები უკრაინის ფარგლებს გარეთ რუსეთის მხარეს რომ ყოფილიყვნენ, ისინი ამ ქვეყნებში არსებულ რუსეთის მართლმადიდებელი ეკლესიის სამრევლოებს შეუერთდებოდნენ. მაგრამ დანილევიჩი და მისი სამრევლოები შეგნებულად გაემიჯნენ მოსკოვის საპატრიარქოს. და გერმანიაში არსებული რუსეთის დედაქალაქის საპატრიარქო მათ არ სცნობს“, - წერდა ის.

დოქტორმა ჰელერმა ხაზი გაუსვა, რომ დეკანოზი ნიკოლოზ დანილევიჩი ეხმარება სულიერი საცხოვრისის პოვნაში იმ ლტოლვილებს, რომლებსაც არ სურთ რმე-სთან გაერთიანება და მათ აქვთ იმის საფუძველიც, რომ  არ შეუერთდნენ უკრაინულ სამრევლოებს, რომლებიც კონსტანტინოპოლის საპატრიარქოს დაქვემდებარებაში არიან.

თავის მხრივ, დოქტორმა კარლ-ვილჰელმ ნიბურმა თავის წერილში წუხილი გამოთქვა იმ ბრალდებების გამო, რომლებიც უშძ-მა მამა ნიკოლოზს წაუყენეს.

„გერმანიაში უკრაინის სამრევლოთა ყველა წევრმა, ვისაც მე ვიცნობ,  თავისი უსაზღვრო ნდობა გამოხატა მამა ნიკოლოზისადმი, როგორც უმე-ს ერთგული მოძღვრისა და უკრაინის ერთგული მოქალაქისადმი. მისი მიზნები, რომლებსაც მე  ჩვენი გაცნობისთანავე გავეცანი, მუდმივად ნაკარნახევი იყო მისი პასუხისმგებლობით, როგორც ჭეშმარიტი და უკრაინის მართლმადიდებელ ქრისტიანების ერთგული მოძღვრისა, რომლებიც ეძებენ სულიერ დამკვიდრებას და მოძღვრის მზრუნველობას მათი, როგორც ლტოლვილთა,  მძიმე ცხოვრებისეულ გარემოებებში, რომლებიც გამოწვეულია რუსეთის აგრესიით მათი ქვეყნის წინააღმდეგ“, - წერდა ის.

გერმანელმა ღვთისმეტყველებმა ხაზი გაუსვეს დეკანოზ ნიკოლოზ დანილევიჩის როლს მის მცდელობებში, რომ იპოვოს განხეთქილების გადალახვის გზა და მოუწოდეს მისი საქმის სამართლიანი განხილვისკენ.

როგორც მჟკ იუწყებოდა, უმე-ს სსკგ-ის უფროსის მოადგილის მხარდასაჭერად ევროპის მართლმადიდებელი ახალგაზრდები გამოვიდნენ.