შეწყვიტეთ სროლა აღდგომის დღეებში მაინც, - უმე-ს წინამძღვარი

უნეტარესი მიტროპოლიტი ონუფრე. ფოტო: news.church.ua

ქრისტეს ბრწყინვალე აღდგომის წინ უკრაინის მართლმადიდებელი ეკლესიის წინამძღვარმა, უნეტარესმა მიტროპოლიტმა ონოფრემ მიმართა ქვეყნის აღმოსავლეთში შეიარაღებული კონფლიქტის მონაწილეებს. მეუფის ვიდეომიმართვა გამოაქვეყნა უკრაინის მართლმადიდებელი ეკლესიის საინფორმაციო-საგანმანათლებლო ცენტრმა.

„ამ წმინდა დღეებში მინდა მივმართო იმ ხალხს, ვისაც გავლენა აქვს ჩვენი სახელმწიფოს, უკრაინის  აღმოსავლეთში, დონბასში შეიარაღებულ შეტაკებაზე - ქრისტეს სახელით, შეწყვიტეთ სროლა აღდგომის დღეებში მაინც!“, - მოუწოდა წინამძღვარმა ყველას, ვისაც ეხება შერიგების პრობლემის მოგვარება.

მისმა უნეტარესობამ მოუწოდა აგრეთვე  გაანთავისუფლონ ყველა ტყვე, რომ „მათ შეძლონ აღდგომის ბრწყინვალე დღესასწაულს  თავიანთ ოჯახებში შეხვდნენ“.

„ღმერთი შეგვეწიოს ყველას!“ - დაასრულა უნეტარესმა მიტროპოლიტმა.

როგორც მართლმადიდებელ ჟურნალისტთა კავშირი იუწყებოდა, ვნების შვიდეულის დიდ სამშაბათს უნეტარესმა მიტროპოლიტმა ონოფრემ სააღდგომო ეპისტოლე გადასცა მღვდელმთავრებს, მღვდლებს, ბერებს და  უკრაინის მართლმადიდებელი ეკლესიის ყველა ერთგულ შვილს.