ვატიკანმა კათოლიკეებს მასონობა აუკრძალა

რომის პაპი. ფოტო: rbc

რომის პაპმა ფრანცისკემ დაამტკიცა რწმენის დოქტრინის ვატიკანის დიკასტერიის გადაწყვეტილება კათოლიკეებს აეკრძალოს მასონობა, იუწყება Vatican News.

დოქტრინის დიკასტერიის პრეფექტმა, კარდინალმა ვიქტორ ფერნანდესმა, ფილიპინებში დუმანგეტეს ეპისკოპოს ხულიტო კორტესისგან მიღებული თხოვნის საპასუხოდ, განაცხადა, რომ მასონობა და კათოლიციზმი შეუთავსებელია.

თავის თხოვნაში კორტესმა „შეშფოთებით აღწერა ეპარქიაში არსებული მდგომარეობა, რომელიც გამოწვეულია მასონთა რაოდენობის მუდმივი ზრდით და შესთავაზა წინადადებები, თუ როგორ უნდა გაუმკლავდეთ ამ რეალობას პასტორალური თვალსაზრისით, აგრეთვე მისი დოქტრინული შედეგების მნიშვნელობის გათვალისწინებით.”

კარდინალმა ფერნანდესმა ხელი მოაწერა რწმენის დოქტრინის დიკასტერიის დოკუმენტს, რომელშიც ნათქვამია, რომ "მასონობის აქტიური წევრობა მორწმუნეთათვის აკრძალულია" - "კათოლიკური სწავლებისა და მასონობის შეუთავსებლობის გამო".

რწმენის დოქტრინის დიკასტერიამ 1983 წლის ნოემბრის  რწმენის დოქტრინის კრებაზე დეკლარაციის ციტირება მოახდინა. წერილში, რომელსაც ხელი მოაწერეს მაშინდელმა კარდინალმა ჯოზეფ რაცინგერმა და კონგრეგაციის მდივანმა ჯერომ ჰამერმა და დაამტკიცა იოანე პავლე II-მ, დაადასტურა, რომ მასონური ლოჟების წევრი კათოლიკეები "მძიმე ცოდვის მდგომარეობაში იყვნენ".

კარდინალი ფერნანდესი თვლის, რომ ყველა, ვინც „ფორმალურად და შეგნებულად არის მასონური ლოჟების წევრი და მიღებული აქვს მასონური პრინციპები“, ექვემდებარება ამ დეკლარაციის დებულებებს.

ეს ზომები ასევე გავრცელდება "ყველა სასულიერო პირზე, რომელიც მიეკუთვნება მასონებს", - თქვა კარდინალმა ფერნანდესმა საპასუხოდ.

რწმენის დიკასტერიამ შესთავაზა ფილიპინელ ეპისკოპოსებს „გაატარონ პოპულარული კატექეზია ყველა სამრევლოში კათოლიკური რწმენისა და მასონობის შეუთავსებლობის მიზეზით“.

და ბოლოს, ფილიპინელ ეპისკოპოსებს სთავაზობენ განიხილონ, უნდა გააკეთონ თუ არა საჯარო განცხადება ამ საკითხთან დაკავშირებით.

მჟკ წერდა, რომ ესპანეთის მასონების განცხადებით პაპი მხარს უჭერს მათ პრინციპებს.