მოლდოვის ეკლესიის 6 კლირიკოსის აკრძალვას ძალა არ აქვს, - რუმინეთის საპატრიარქო

ბესარაბიის მიტროპოლიტი პეტრე ( პედურარუ). ფოტო: mitropoliabasarabiei.md

2023 წლის 26 ოქტომბერს რუმინეთის საპატრიარქოს ბესარაბიის მიტროპოლიამ განაცხადა, რომ მოლდოვის მართლმადიდებელი ეკლესიის წმინდა სინოდის მიერ ექვსი მღვდლის აკრძალვას, რუმინეთის საპატრიარქოში გადასვლის გამო, ძალა არ აქვს.

ბესარაბიის მიტროპოლიაში წერდნენ, რომ „წუხილითა და დიდი აღშფოთებით მიიღეს მოსკოვის საპატრიარქოს დაქვემდებარებული „მოლდოვის მართლმადიდებელი ეკლესიის“ თვითმარქვია სინოდის უსაფუძვლო გადაწყვეტილება ექვსი მღვდლის აკრძალვის გამო, რომლებიც მამაცურად შეუერთნენ რუმინეთის საპატრიარქოს დაქვემდებარებულ ბესარაბიის მიტროპოლიას საეკლესიო მსახურების ძიებაში, რუმინეთის ფასეულობებისა და ეთნიკური იდენტობის შესაბამისად“.

„ამ მღვდლების აკრძალვის გადაწყვეტილება არის ბათილი, მას არ გააჩნია  რეალური  საღვთისმეტყველო და კანონიკური საფუძველი და ის ნეგატიურ გავლენას ახდენს მოლდოვის რესპუბლიკის მორწმუნეებზე და საზოგადოებრივ აზრზე, ხელს უწყობს ხალხის მასების დეზინფორმაციას, რომლებიც არ ფლობენ საღვთისმეტყველო და ისტორიულ ინფორმაციას“, - იუწყებოდნენ რუმინეთის საპატრიარქოს ბესარაბიის მიტროპოლიაში.

მანამდე მჟკ წერდა, რომ მოლდოვის ეკლესიის სინოდმა აკრძალა 6 კლირიკოსი რუმინეთის ეკლესიაში გადასვლის გამო.

წაიკითხეთ ასევე