მიტროპოლიტი ანტონი:უმე-ს მრავალმილიონიან მრევლსაც ფანარიონი მხოლოდ იტანს?

ბროვარისა და ბორისპოლის მიტროპოლიტი ანტონი. ფოტო: dnesnews.ru

ბორისპოლისა და ბროვარის მიტროპოლიტმა, უკრაინის  მართლმადიდებელი ეკლესიის საქმეთა მმართველმა ანტონმა (პაკანიჩმა) ტელეარხთან «Россия 24» ინტერვიუში კვლავ კომენტარი დაურთო კონსტანტინოპოლის პატრიარქის ბართლომეს გამონათქვამს იმის შესახებ, რომ ის „დროებით იტანს“ მიტროპოლიტ ონოფრეს.

„თუ პატრიარქი ბართლომე იტანს უნეტარეს მიტროპოლიტ ონოფრეს და უკრაინის  მართლმადიდებელი ეკლესიის საეპისკოპოსს, რა უნდა ვთქვათ უკრაინის  მართლმადიდებელი ეკლესიის მრავალმილიონიან მრევლზე? ის გვიტანს ჩვენ ჩვენს მშობლიურ მიწაზე. ეს საერთოდ ცდება ცხოვრების ნორმალური აღქმის ფარგლებს. უნეტარესი მიტროპოლიტი ონოფრე და უკრაინის  მართლმადიდებელი ეკლესიის საეპისკოპო არასდროს არ შედიოდნენ პატრიარქ ბართლომეს იურისდიქციაში, ამიტომ რა გადაწყვეტილებები შეიძლება მიეღო მას ჩვენს მიმართ?! მართლმადიდებლურ ცხოვრებაში და მსოფლიოში ასეთი რამე არასდროს არ ყოფილა“, - ხაზი გაუსვა უკრაინის  მართლმადიდებელი ეკლესიის საქმეთა მმართველმა.

მიტროპოლიტ ანტონის სიტყვებით, წესები, რომლის დაარსებაც სურს პატრიარქ ბართლომეს, არ ეფუძნება ისტორიულ გამოცდილებას, მართლმადიდებელი ეკლესიის წესებსა და კანონებს და არ ემთხვევა უამრავი მოწამის რწმუნებებს.

„ჩვენ ის-ღა დაგვრჩენია, რომ მწუხარება გამოვთქვათ პატრიარქ ბართლომეს გამონათქვამების გამო, რომელთა გამო ზარალდებიან კონკრეტული ადამიანები და ირღვევა მართლმადიდებლური ერთიანობა“, - აღნიშნა უკრაინის  მართლმადიდებელი ეკლესიის მიტროპოლიტმა.

შეგახსენებთ, რომ 6 ოქტომბერს კონსტანტინოპოლის პატრიარქმა ბართლომემ გამომცემლობა „ცეკვარიუმის“ («Церквариум») წერილზე განაცხადა, რომ უკრაინის  მართლმადიდებელი ეკლესია აღარ არსებობს და ის „დროებით იტანს“ უკრაინაში უნეტარეს მიტროპოლიტ ონოფრეს.

როგორც მანამდე მართლმადიდებელ ჟურნალისტთა კავშირი იტყობინებოდა, დუმენკომ განაცხადა, რომ უკრაინაში  მართლმადიდებელი ეკლესია მიმართავს ფანარს საპატრიარქოს შესახებ თხოვნით

წაიკითხეთ ასევე