პოლიციამ მაინც აღძრა საქმე ლავრასთან მძვინვარე პროვოკატორების წინააღმდეგ

,,ანტიეკლესიური'' აქტივისტები კიევ-პეჩერის ლავრასთან. ფოტო: скриншот видео из Telegram-канала «Перший Козацький»

2023 წლის 13 ოქტომბრის საღამოს, პეჩერის რაიონული პოლიციის დეპარტამენტმა, ორკვირიანი დაყოვნების შემდეგ, მაინც შეასრულა სასამართლოს გადაწყვეტილება და აღძრა სისხლის სამართლის საქმე 18 სექტემბერს კიევ-პეჩერის ლავრასთან უმე-ის ღვთისმსახურებისთვის ხელის შეშლის ფაქტზე. ამის შესახებ მონასტრის ადვოკატმა, დეკანოზმა ნიკიტა ჩეკმანმა ტელეგრამ-არხზე დაწერა.

„პეჩერის პოლიციამ საბოლოოდ შეასრულა სასამართლოს გადაწყვეტილება! -  დაწერა მან. - დაწყებულია წინასწარი გამოძიება. ვიმედოვნებთ, რომ ეს იქნება ეფექტური და ყველა დამნაშავე, სისხლის სამართლის პასუხისგებაში მიეცემა!“ წინასწარი გამოძიების ერთიანი რეესტრის ამონაწერში ნათქვამია, რომ პოლიციის დეპარტამენტმა საქმის გახსნის შესახებ პეჩერის სასამართლოს გადაწყვეტილება მხოლოდ 12 ოქტომბერს მიიღო, თუმცა სასამართლომ იგი 29 სექტემბერს გაგზავნა. სისხლის სამართლის საქმე აღიძრა უკრაინის სისხლის სამართლის კოდექსის 180 მუხლის პირველი ნაწილით(რელიგიური ცერემონიის უკანონო ხელის შეშლა, რომელიც არღვევდა ან ემუქრებოდა რელიგიური ცერემონიის ჩაშლას). პროვოკატორებს ორ წლამდე თავისუფლების აღკვეთა ემუქრებათ.

მჟკ წერდა, რომ მთლიანობაში, კიევ-პეჩერის ლავრის ადვოკატებმა უკვე წარადგინეს 10 განცხადება პეჩერის პოლიციის განყოფილებაში "აქტივისტების" უკანონო ქმედებების შესახებ, რომლებიც კვალიფიცირდებოდა უკრაინის კანონმდებლობის 180 მუხლის 1 ნაწილით. სამართალდამცავებმა ყველა მოთხოვნა უგულებელყვეს. ადვოკატებმა პოლიციის უმოქმედობის ყველა ფაქტი სასამართლოში გაასაჩივრეს. დღემდე, მოსამართლეებმა პოლიციას დაავალეს ოთხი სისხლის სამართლის საქმის წარმოება 180 მუხლის დარღვევაზე და კიდევ ერთი - ლავრასთან გაზის სპრეის გამოყენებით უმე-ის მრევლზე თავდასხმის ფაქტზე (უკრაინის სისხლის სამართლის კოდექსის 125-ე მუხლის 1-ლი ნაწილი).

წაიკითხეთ ასევე