პუტინი კადიროვს მოსკოვში ახალი მეჩეთის აშენებას დაჰპირდა

ყურბან-ბაირამის აღნიშვნა მოსკოვში. ფოტო: Илья Питалев

ჩეჩნეთის ხელმძღვანელმა რამზან კადიროვმა განაცხადა, რომ პუტინთან შეხვედრაზე მოსკოვში ახალი მეჩეთის მშენებლობაზე შეთანხმდა. ტაძარი სამხრეთ ბუტოვოში ახმატა-ხაჯი კადიროვის ქუჩაზე აშენდება. ამის შესახებ კადიროვმა ტელეგრამ-არხზე დაწერა.

მისი თქმით, პუტინმა „ხაზგასმით აღნიშნა ამ პროექტის დიდი მნიშვნელობა მორწმუნეებისთვის და თქვა, რომ მეჩეთის აშენების საკითხი კიდევ უფრო ადრე უნდა დამდგარიყო“.

ჩეჩნეთის მეთაურმა განაცხადა, რომ დღეს რუსეთის ფედერაციის დედაქალაქში 3 მილიონზე მეტი მუსლიმი ცხოვრობს და ისლამურ დღესასწაულებზე ისინი იძულებულნი არიან ილოცონ ქუჩაში, რაც იწვევს ქალაქის სერვისების შეფერხებას.

კადიროვმა გამოთქვა რწმენა, რომ ახალი მეჩეთის მშენებლობის შესახებ ცნობას „თბილად მიიღებენ არა მხოლოდ დედაქალაქის მუსლიმები, არამედ ყველა მორწმუნე“, როგორც ჩანს, მართლმადიდებელ ქრისტიანებსაც გულისხმობს.

„მადლობელი ვარ ვლადიმერ ვლადიმროვიჩის ასეთი ღირებული საჩუქრისთვის და უსაზღვროდ მადლობელი ვარ ყველაფრისთვის, რასაც აკეთებს ჩვენი მრავალეროვნული სახელმწიფოს გაძლიერებისა და განვითარებისთვის“, - დაასკვნა ჩეჩნეთის ლიდერმა.

მანამდე მჟკ წერდა, რომ მოსკოვსა და რეგიონში ყურბან ბაირამზე 300 ათასზე მეტი მუსლიმანი ლოცულობდა.