ბულგარეთის ხელისუფლება სწავლობს რუსეთის საკუთრების კანონიერებას რმე-ს კომპლექსზე

წმინდა ნიკოლოზის სახელობის ტაძარი სოფიაში. ფოტო: Турнавигатор

ბულგარეთის პროკურატურა გადაამოწმებს სოფიაში რუსეთის მართლმადიდებლური ეკლესიის შენობის (წმინდა ნიკოლოზის ტაძრის) საკუთრების სანოტარო აქტებს, რომელიც ეკუთვნის რუსეთის საელჩოს, იუწყება TASS.

„გავეცნობით იმ დოკუმენტებს, რის საფუძველზეც გაიცა საკუთრების სანოტარო აქტი. ჩვენ ასევე მოვითხოვთ დოკუმენტებს ჩვენი ეკლესიის კანონიკურობის შესახებ ამ ტაძარში საეკლესიო მსახურების ჩატარებასთან და მორწმუნეთათვის მასზე წვდომის შეწყვეტასთან დაკავშირებით, მით უმეტეს, რომ იქ დაკრძალულია წმინდა სერაფიმე (სობოლევი - რედ.), რაც ეკლესიას აქცევს საჯაროდ ხელმისაწვდომ და საზოგადოებრივ შენობად“, - განაცხადა 2023 წლის 27 სექტემბერს გამართულ ბრიფინგზე, პროკურორმა ილიანა კირილოვამ.

პროკურატურის წარმომადგენლებმა განაცხადეს, რომ შემოწმება ქვეყნის პარლამენტის წევრებისა და ერთ-ერთი სამოქალაქო ასოციაციის შეტყობინების საფუძველზე მიმდინარეობდა. TASS იუწყება, რომ ტაძრის ოფიციალური მფლობელი ბულგარეთში რუსეთის საელჩოა, რომელსაც შესაბამისი სანოტარო აქტი აქვს.

მანამდე მჟკ წერდა, რომ ბულგარეთის პატრიარქმა ტაძარში მღვდლები დანიშნა, რომლებიც ხელისუფლებამ ქვეყნიდან გააძევა.