კვიპროსის ეკლესიამ შესთავაზა შუამავლობა რუსეთის მართლმადიდებლურ ეკლესიასა და ფანარს შორის დიალოგში

კვიპროსის არქიეპისკოპოსი გიორგი. ფოტო: romfea.gr

ახალი იუსტინიანესა და სრულიად კვიპროსის მთავარეპისკოპოსმა გიორგი III-მ შესთავაზა შუამავლობა კვიპროსის მართლმადიდებლურ ეკლესიას მოსკოვისა და კონსტანტინოპოლის საპატრიარქოებს შორის საკამათო საკითხებზე შეთანხმების მიღწევაში. ამის შესახებ მან Euronews-თან ინტერვიუში განაცხადა.

მეუფე გიორგის თქმით, წინადადება ორი ეკლესიისთვის საერთო გადაწყვეტილებების მოძებნის შესახებ, მთავარეპისკოპოსმა ქრიზოსტომოს II-მ წამოაყენა, მაგრამ მძიმე ავადმყოფობამ არ მისცა მას ამის დასრულების საშუალება.

კვიპროსის ეკლესიის წინამძღვარმა აღნიშნა, რომ ყველა საეკლესიო კრება, რომელიც ჩატარდა „სანამ რუსები გაქრისტიანდნენ“, მიენიჭა „ერთგვარი სამართლიანობა, გარკვეული უფლებები“ ექსკლუზიურად ფანარს.

„ეს იყო მსოფლიო საპატრიარქო, რომელმაც ავტოკეფალია მიანიჭა რუსულ და ბერძნულ ეკლესიებს, სერბეთს, რუმინეთს, ბულგარეთსა და ალბანეთს. ამ ავტოკეფალიასთან ერთად მან ასევე მისცა ტომოსი, რომელშიც მითითებული იყო ამ ავტოკეფალური ეკლესიების საზღვრები და მათი წინამძღვრების უფლებები“, - განმარტა მეუფე გიორგიმ.

მისი თქმით, უკრაინის ტერიტორია არ შედიოდა კონსტანტინოპოლის მიერ მოსკოვის საპატრიარქოსთვის განსაზღვრულ კანონიკურ საზღვრებში. „რამდენადაც მან (კონსტანტინოპოლის საპატრიარქომ - რედ.) მისცა ავტოკეფალია რუსეთის ეკლესიას, უკრაინა ამ საზღვრებში არ შედის“.

მთავარეპისკოპოსი თვლის, რომ ადგილობრივი ეკლესიის ავტორიტეტზე სახელმწიფოს ავტორიტეტის გავლენის იდეას არ აქვს ფესვები ეკლესიის ისტორიაში. „ეს არის ფილოსოფია, რომელიც წარმოიშვა მე-19 საუკუნეში, რათა დააკავშიროს ქვეყნის მოსახლეობა მის წამყვან პოზიციასთან მართლმადიდებლობაში“, - თქვა კვიპროსის ეკლესიის წინამძღვარმა.

ის ამტკიცებს, რუსეთის მართმადიდებლური ეკლესია უნდა დაეთანხმოს, რომ ადგილობრივი ეკლესიების ოჯახში ურთიერთობების „მოწესრიგების“ უფლება სწორედ კონსტანტინოპოლს ეკუთვნის. „ამიტომ, დაინახონ, რომ 10 საუკუნეში, როცა ჩვენ ქრისტიანები ვიყავით და როცა მსოფლიო საპატრიარქო მსოფლიო კრებებით არეგულირებდა ქრისტიანულ სამყაროს, ისინი ჯერაც არ იყვნენ მართლმადიდებლები და ამიტომ არ არიან პირველები“, - აღნიშნა მეუფე გიორგიმ.

კვიპროსის ეკლესიის წინამძღვარმა აღნიშნა, რომ მისი შუამავლობით და კარგ განწყობით გამოსავალი შეიძლება მოიძებნოს და მზადაა დახმარება შესთავაზოს იმ კარგი ურთიერთობის წყალობით, რომელიც კვიპროსის ეკლესიას ჰქონდა ორ ეკლესიასთან, რათა გამოსავალი მოიძებნოს.

როგორც მჟკ იტყობინება, ადრე კვიპროსის მთავარეპისკოპოსმა გიორგიმ განაცხადა, რომ 25 დეკემბერს საშობაო ლიტურგიის დროს მან მოიხსენა მეუ-ს ხელმძღვანელი ეპიფანე დუმენკო და რომ ის განაგრძობს გარდაცვლილი არქიეპისკოპოსის ქრიზოსტომოს პოლიტიკას ფანარის მიმართ.