ხაშურში წმიდა დიდმოწამე ბარბარეს დღესასწაულთან დაკავშირებით ლიტურგია აღესრულა
ხაშურში მდებარე წმინდა ბარბარეს ეკლესია. ფოტო: ეპარქიის გვერდი
2025 წლის 17 დეკემბერს, წმიდა დიდმოწამე ბარბარეს დღესასწაულზე, ფოთისა და ხობის მიტროპოლიტი გრიგოლი სტუმრობდა სურამისა და ხაშურის ეპარქიას. სტუმრობის ფარგლებში, სურამისა და ხაშურის ეპისკოპოს სვიმეონთან ერთად, მისმა მაღალყოვლადუსამღვდელოესობამ აღასრულა სადღესასწაულო საღმრთო ლიტურგია.
სადღესასწაულო ღვთისმსახურება აღესრულა ხაშურის წმიდა დიდმოწამე ბარბარეს სახელობის სამრევლოში. ლიტურგიის დასრულების შემდეგ მღვდელმთავრებმა დალოცეს შეკრებილი სამწყსო, საქართველოს სამოციქულო ავტოკეფალური მართლმადიდებელი ეკლესია და სრულიად საქართველო.
ღონისძიებას ესწრებოდნენ სასულიერო პირები, ტაძრის მრევლი და მორწმუნეები, რომლებმაც წმიდა დიდმოწამე ბარბარეს ხსენების დღე ერთობლივი ლოცვითა და სულიერი სიხარულით აღნიშნეს.
მართლმადიდებელ ჟურნალისტთა კავშირი წერდა, ბოდბის ეპარქიაში მეუფე საბა ინწკირველსა და მეუფე საბა გიგიბერიას ანგელოზის დღეს ულოცევენ.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.