აშშ-ის კონგრესმენმა მოუწოდა ქრისტიანების მდევნელი ქვეყნების მხარდაჭერის შეწყვეტისკენ

ანა პაულინა ლუნა უკრაინის მართლმადიდებლური ეკლესიის დასაცავად გამართულ მიტინგზე გამოდის. ფოტო: uoj.news

2025 წლის 16 დეკემბერს, აშშ-ში, თეთრ სახლთან ახლოს, უკრაინის მართლმადიდებლური ეკლესიის დასაცავად გამართული მიტინგის დროს, აშშ-ის წარმომადგენელმა ანა პაულინა ლუნამ მოუწოდა მთავრობას, შეწყვიტოს ქრისტიანების მდევნელი ქვეყნების დაფინანსება.

პაულინა ლუნამ განაცხადა, რომ აუცილებელია მთელ მსოფლიოში ქრისტიანების დევნაზე ყურადღების მიპყრობა, განსაკუთრებით იმ ქვეყნებში, რომლებიც ამჟამად აშშ-ის მთავრობისგან იღებენ ფინანსურ მხარდაჭერას.

მან განაცხადა, რომ ამერიკელმა გადასახადის გადამხდელებმა არ უნდა დააფინანსონ მთავრობები, რომლებიც არღვევენ მორწმუნეთა უფლებებს. „ამერიკელი გადასახადის გადამხდელების ფული არასდროს არ უნდა უჭერდეს მხარს მთავრობებს, რომლებიც აქტიურად დევნიან ჩვენს ძმებსა და დებს ქრისტეში“, - ხაზგასმით აღნიშნა კონგრესმენმა.

ამავდროულად, ანა პაულინა ლუნამ გაავრცელა გაფრთხილება და აღნიშნა, რომ ასეთ პრაქტიკას შეიძლება შორსმიმავალი შედეგები მოჰყვეს. „თუ ქრისტიანების დევნა შესაძლებელია იმ ქვეყნებში - ჩვენს დასავლელ მოკავშირეებსა და სახელმწიფოებში, რომლებიც მთლიანად არიან დამოკიდებულნი ჩვენს დაფინანსებაზე - მაშინ არაფერი უშლის ხელს, რომ ერთ დღეს ასეთი დევნა ჩვენს სამშობლოშიც მოხდეს“, - განაცხადა კონგრესმენმა.

მართლმადიდებელ ჟურნნალისტთა კავშირმა ადრე გაავრცელა ინფორმაცია, რომ ვაშინგტონში უკრაინის მართლმადიდებლური ეკლესიის მხარდასაჭერად გამოვიდნენ.

წაიკითხეთ ასევე