ქუთაისში ღვთისმშობლის ტაძრად მიყვანების დღესასწაული აღინიშნა
ქუთათელ-გაენათელი მიტროპოლიტი იოანე, ფოტო: ეპარქიის გვერდი
4 დეკემბერს, ყოვლადწმიდა ღმრთისმშობლის ტაძრად მიყვანების დღესასწაულზე, ქუთაისის ყოვლადწმიდა ღვთისმშობლის მიძინების–სიონის (ბაგრატი) საკათედრო ტაძარში საზეიმო საღვთო ლიტურგია აღავლინა მისმა მაღალყოვლადუსამღვდელოესობამ ქუთათელ-გაენათელმა მიტროპოლიტმა იოანემ.
სადღესასწაულო მსახურებას ტაძარში შეკრებილი მრევლი ესწრებოდა. ლიტურგიის დასრულების შემდეგ მიტროპოლიტმა იოანემ იქადაგა და დღესასწაულის მნიშვნელობაზე ისაუბრა:
„სახელითა მამისათა და ძისათა და წმინდისა სულისათა. გილოცავთ ღვთისმშობლის ტაძრად მიყვანების დღესასწაულს. ეს არის დღე როდესაც მშობლება იოაკიმ და ანამ შეასრულეს დადებული აღთქმა, რომ თუ უფლისგან შეეძინებოდათ შვილი მას უფალს შესწირავდნენ. და როდესაც 3 წლის გახდა ნანატრი ერთადერთი შვილი საზეიმოდ მიიყვანეს ტაძარში და შეასრულეს აღთქმა, რომელიც არის ფიცი და ვის წინაშე ქონდათ მათ ეს ფიცი დადებული? ღვთის წინაშე. უფალმა მათ შეუსრულა თხოვნა, უფალს უნდა აუსრულო რასაც დაპირდი.“
მიტროპოლიტმა მიმოიხილა რწმენის, აღთქმის და ადამიანური მადლიერების მნიშვნელობა ქრისტიანულ ცხოვრებაში და მრევლს კიდევ ერთხელ მიულოცა დღესასწაული.
მართლმადიდებელ ჟურნალისტთა კავშირმა ადრე გაავრცელა ინფორმაცია, რომ მიტროპოლიტ არსენის საქმეზე პროცესი 4 დეკემბერს გაიმართება.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.