მიტროპოლიტმა გერასიმემ საზეიმო ლიტურგია აღავლინა და მრევლს დღესასწაუ‍ლი მიულოცა

ზუგდიდისა და ცაიშის მიტროპოლიტი გერასიმე. ფოტო: ეპარქიის გვერდი

2025 წლის 4 დეკემბერს ზუგდიდისა და ცაიშის მიტროპოლიტმა, მისმა მაღალყოვლადუსამღვდელოესობამ გერასიმემ, ეპარქიის სამღვდელოებასთან ერთად, ყოვლადწმიდა ღმრთისმშობლის ტაძრად მიყვანების დღესასწაულთან დაკავშირებით საზეიმო საღმრთო ლიტურგია აღავლინა ზუგდიდის ივერიის ყოვლადწმიდა ღმრთისმშობლის საკათედრო ტაძარში.

ღვთისმსახურების დასრულების შემდეგ მიტროპოლიტმა გერასიმემ ქადაგებით მიმართა მრევლს, მიულოცა დიდი დღესასწაული და კვლავ შეახსენა ღვთისმშობლის ტაძრად მიყვანების შემოქმედებითი, სულიერი მნიშვნელობა.

„დღეს განგებულებისა ღმრთისა დასაბამი არს, და საუკუნითგან საიდუმლოსა მის აღსრულებისა დაწყება.“

მღვდელმთავარმა მრევლი თავიანთ ოჯახებში და საზოგადოებაში მშვიდობის, სიყვარულისა და ერთობის განმტკიცებისკენ მოუწოდა.

მართლმადიდებელ ჟურნალისტთა კავშირმა ადრე გაავრცელა ინფორმაცია, რომ მიტროპოლიტ არსენის საქმეზე პროცესი 4 დეკემბერს გაიმართება.

წაიკითხეთ ასევე