თბილისში ბიჭვინთის ღვთისმშობლის ხატის ტაძრის საკურთხეველი ეკურთხა
ბიჭვინთის ღვთისმშობლის ხატის სახელობის ტაძრის საძირკველის კურთხევა. ფოტო:
სრულიად საქართველოს პატრიარქის ლოცვა კურთხევით 2 ნოემბერს თბილისში, დიდ დიღომში ბიჭვინთის ღვთისმშობლის ხატის სახელობის ტაძრის საძირკველი ეკურთხა. ტაძრის არქიტექტორები არიან თემურ ჯოჯუა და ვახტანგ ჯმუხაძე.
ღვთისმსახურება აღასრულა ტიტულარულმა მიტროპოლიტმა სერაფიმემ (ჯოჯუა). თანამსახურობდნენ მშენებარე ტაძრის წინამძღვარი, არქიმანდრიტი სპირიდონ აბრალავა და სხვა სასულიერო პირები. მსახურების დასრულების შემდეგ მღვდელმთავარმა მრევლი დალოცა და მამა გაბრიელის ხსენების დღე მიულოცა.
მიტროპოლიტი სერაფიმე: ,,ამიერიდან ამ ტაძარს ეწოდება მცირე ბიჭვინთა, ეს პატარა ტაძარი იქნება სანუგეშო და მადლის მომცემი. ჩვენ იმედი გვაქვს ღმერთი მშვიდობით დაგვაბრუნებს აფხაზეთში.’’
შეგახსენებთ, ბათუმისა და ლაზეთის მიტროპოლიტი დიმიტრი იერუსალიმის საპატრიარქოში იმყოფება.
წაიკითხეთ ასევე
თბილისში წმინდა ნინოს ეკლესიის რეაბილიტაცია იგეგმება
შიო ჩიტაძის ქუჩაზე მდებარე ისტორიული ტაძრის პროექტი კონსტრუქციული მდგომარეობის გაუმჯობესებას, დაზიანებების აღმოფხვრასა და ავთენტური სახის შენარჩუნებას ითვალისწინებს.
სვეტიცხოვლის სარეაბილიტაციო სამუშაოების მომზადებაში იტალიური კომპანია ჩაერთო
კულტურის მინისტრი მაია ბითაძე ტაძარში არსებულ მდგომარეობასა და დაგეგმილ სამუშაოებს ადგილზე გაეცნო — კვლევები საერთაშორისო ექსპერტებისა და ქართველი სპეციალისტების მონაწილეობით წარიმართება.
მეუფე გიორგი: „ტექნოლოგია უნდა ემსახურებოდეს ადამიანს და არა პირიქით“
მარნეულისა და ჰუჯაბის ეპისკოპოსი ციფრული ფულის საკითხზე ფართო საზოგადოებრივი განხილვის, პირადი ცხოვრების დაცვისა და ნაღდი ფულის გამოყენების შესაძლებლობის შენარჩუნების აუცილებლობაზე საუბრობს.
მიტროპოლიტმა იოანემ წმინდა კვიპრიანესა და იუსტინას ტაძარში პარაკლისი აღასრულა
ღვთისმსახურება წმინდა დიდმოწამეთა დავით და კონსტანტინე მხეიძეების, მღვდელმოწამე კვიპრიანესა და ქალწულმოწამე იუსტინას ხსენების დღეს გაიმართა.
ფილადელფიაში სვეტიცხოვლობა საზეიმო ღვთისმსახურებით აღინიშნა
საღმრთო ლიტურგია ჩრდილოეთ ამერიკის ეპისკოპოსმა საბამ აღავლინა — მრევლს ღვთისმშობლის წილხვდომილობის ხატისა და წმინდა გაბრიელ ბერის წმინდა ნაწილების მოლოცვის შესაძლებლობა მიეცა.
საქართველოს საპატრიარქო განცხადებას ავრცელებს
საქართველოს საპატრიარქო 14 ოქტომბერს სამთავროს მონასტერში აღვლენილ ღვთისმსახურებასთან დაკავშირებით გავრცელებულ ინფორმაციას გამოეხმაურა და საეკლესიო თანამსახურების წესზე განმარტება გაავრცელა.