საპატრიარქოს ორგანიზებით მცხეთაში შშმ პირთათვის პილიგრიმობა გაიმართა

შშმ პირთა ,მომლოცველობა მცხეთაში. ფოტო: საპატრიარქოს საზოგადოებასთან ურთიერთობის სამსახურის სქრინშოტი

სრულიად საქართველოს კათოლიკოს-პატრიარქის ლოცვა-კურთხევით და საქართველოს საპატრიარქოს საზოგადოებასთან ურთიერთობის სამსახურის ორგანიზებით, შეზღუდული შესაძლებლობის მქონე პირთათვის მორიგი პილიგრიმობა ამჯერად მცხეთაში გაიმართა.
ღონისძიებაში მონაწილეობდნენ საზოგადოებასთან ურთიერთობის წარმომადგენელი დეკანოზი იოანე გორელიშვილი, სხვა სასულიერო პირები, საქართველოს უსინათლოთა კავშირის წევრები, მათი თანმხლები პირები და ოჯახის წევრები.

მომლოცველები თავდაპირველად თბილისში შეიკრიბნენ და შემდეგ მცხეთაში გაემგზავრნენ, სადაც სვეტიცხოვლის საპატრიარქო ტაძარი მოილოცეს, სიწმინდეებს მიეხლნენ და ტაძრის ისტორიასა და იქ დაცულ სიწმინდეებზე ამომწურავი ინფორმაცია მოისმინეს.
ღონისძიება მიზნად ისახავდა შეზღუდული შესაძლებლობის მქონე პირების მხარდაჭერასა და მათი სულიერი განმტკიცების ხელშეწყობას.

მართლმადიდებელ ჟურნალისტთა კავშირმა ადრე გაავრცელა ინფორმაცია, რომ საქართველოს საპატრიარქო მილოცვის წერილს აქვეყნებს.