თბილისში ლოტბარისა და ფოლკლორისტის - ანზორ ერქომაიშვილის მემორიალური დაფა გაიხსნა

ანზორ ერქომაიშვილის მემორიალური დაფის გახსნა. ფოტო: საქართველოს კულტურის სამინისტრო

„ანზორ ერქომაიშვილი ქართული ფოლკლორისთვის, შეიძლება ითქვას, პატრიარქია და, შესაბამისად, ეს არის ყველაზე მცირედი, რაც შეგვეძლო, გაგვეკეთებინა მისი სახელის უკვდავსაყოფად. მადლობა მას იმ შემოქმედებისთვის, რაც დაგვიტოვა; მადლობა გადარჩენილი ფოლკლორისთვის, მისი შენარჩუნებისთვის და მადლობა იმ საგანმანათლებლო საქმიანობისთვის, რასაც მთელი ცხოვრება მიუძღვნა", - განაცხადა კულტურის მინისტრმა თინათინ რუხაძემ მემორიალური დაფის გახსნის ცერემონიაზე.

ღონისძიებას ესწრებოდნენ: პარლამენტის თავმჯდომარე შალვა პაპუაშვილი, თბილისის ვიცე-მერი გიორგი ტყემალაძე, პარლამენტის კულტურის კომიტეტის თავმჯდომარე გიორგი გაბუნია და ფონდ „ქართული გალობის“ დამფუძნებელი ვანო ჩხარტიშვილი.

მემორიალური დაფის გახსნის ცერემონიაში მონაწილეობდნენ ანზორ ერქომაიშვილის მიერ დაარსებული ანსამბლები - „რუსთავი“ და „მართვე".

ინფორმაცის საქართველოს კულტურის სამინისტრო ავრცელებს.

მართლმადიდებელ ჟურნალისტთა კავშირი წერდა, ბათუმისა და ლაზეთის ეპარქიაში ლექცია გაიმართა თემაზე — „ქართული სამგალობლო ხელოვნება“.

წაიკითხეთ ასევე